YOHANES 20:26 - WUKE SUSI WATTI'U AL᷊AL᷊USASSA

²⁶ Sangkamisa nal᷊iudda, manga mallal᷊aṛṛenggennu Mawu Yesus naammulla apia su tampa udde, wuṛṛu i Tomas isudde lai. Anambo ngara uaṛṛuudda. Arawe Mawu Yesus nirumanta wuṛṛu nirumarisikka su pattangnganni mangitou, see nabbisara, “Sal᷊amatta wuṛṛu paddarame si yamiu.”

YOHANES 20:26 Referans Kwoze

YOHANES 20:19

Su allo Misa udde lai, su tempo ṛabbite, manga mallal᷊aṛṛenggennu Mawu Yesus uaammulla su sambau wal᷊e apan ngarane uaṛṛuudda, ana waugu i mangitou matta'uttu manga tembonannu Yahudi. Inaṛṛombanganne Mawu Yesus nirumanta wuṛṛu dirumarisikka su pattangnganni mangitou wuṛṛu nabbisara, “Sal᷊amatta wuṛṛu paddarame si yamiu.”

YOHANES 20:21

See Mawu Yesus nabbisara si mangitou paassa lai, “Sal᷊amatta wuṛṛu paddarame si yamiu. Ere lai Iamangnga nandolo-U aroddi lai Ya'u mandolokki yamiu.”

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

LUKAS 9:28

Iraṛṛangngo sangkamisa wuassu tempo Mawu Yesus nangaṛṛa'u sarangkanambone udde, i Tou nangapidden Petrus, i Yohanes wuṛṛu i Yakobus su sambau wowone inai umal᷊iomanna.

MATIUS 17:1

Napawe annummu allo nal᷊iute Mawu Yesus nangapiddi Petrus, i Yakobus wuṛṛu tuṛṛangnge i Yohanes, nanginsassa su sambau wuidda apan matanggakka.

YESAYA 54:10

Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

YESAYA 26:12

Mawu, I'o sarun ma'ola'a si yami su lal᷊umanna'a; sarangkanambone apan mammanaranni yami, ete I'o apan mangngaṛṛa'u udde si yami.

YESAYA 27:5

Arawe napawe manga seettu uma-Ku maddea'a pattillummanna si Ya'u, wala'e i mangitou maddame-U, ore, maddame-U.”

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

LUKAS 24:36

Tantal᷊anna i mangitou ta'e uahahatto, inaṛṛombanganne Mawu Yesus sassane nirumarisikka su pattangnganni mangitou wuṛṛu nabbisara, “Paddarame si yamiu!”

YOHANES 11:16

I Tomas isassago “I Ṛindua” nabbisara su manga ringanne mallal᷊aṛṛenggennu Mawu Yesus, “Wette i ite tumantalongnga, salaiwe i ite mate su sambau ringanni Tou!”

YOHANES 21:1

Wua'udde Mawu Yesus namasilon batangan-Ne paassa lai su Ranon Tiberias su manga mallal᷊aṛṛenggen-Ne. Arendi wattinge:

YOHANES 21:14

Indi atallune Mawu Yesus maipasilon batangan-Ne su manga mallal᷊aṛṛenggen-Ne napawe i Tou niwangunna wuassu papate.

WATTI'U MANGA RASUL 1:3

Napawe i Tou wua nate, al᷊annune appatu pul᷊o su allone i Tou masokka mapaal᷊iatta'u inolaan-Ne apan masemakka su manga rasul udde manungku i Tou atonna-tonna wiakka. I mangitou ma'asilo si Tou, wuṛṛu i Tou lai uahahatto mangitou su ola'u ereapa Ruata mamarenta ere sangkatou Ratu.