YOHANES 20:22 - WUKE SUSI WATTI'U AL᷊AL᷊USASSA

²² See i Tou napaasabangngu singangu-Ne si mangitou wuṛṛu nabbisara, “Sengkampe Ghaṛṛahon Ruata.

YOHANES 20:22 Referans Kwoze

AYUB 33:4

Ghaṛṛahon Duata buatte nandiaddi si ya'u wuṛṛu nangonggollu wiakka si ya'u.

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

WATTI'U MANGA RASUL 19:2

I tou naiwal᷊o si mangitou, “Manga tuṛṛangnga suete naasengkamma Ghaṛṛahon Ruata, su tempo i yamiu nangngimanna Mawu Yesus?” I mangitou sinumimbakka, “Taambe, Ewe'e i yami taambe naaringikka manungku pia Ghaṛṛahon Ruata.”

WATTI'U MANGA RASUL 8:15

Napawe i Petrus wuṛṛu i Yohanes na'omate, i mangitou inumal᷊iomannu manga taumatan Samaria udde tadea'u i mangitou maasomba Ghaṛṛahon Ruata,

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

YEHEZKIEL 37:9

Ruata nabbisara si ya'u, “Ei taumata apan mattate, pabbisarate su anginna. Wal᷊oa'e manungku i Ya'u, Mawu Apan Atanggaṛṛanne namarenta si tou tadea'u rumanta wuassu al᷊awo'u pappi'uanne, tadea'u maniuppu sasangngo sulal᷊ummu manga waddangnga apan nate udde tadea'u i mangitou mabbiakka apia.”

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

WATTI'U MANGA RASUL 2:4

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

YOHANES 7:39

Mawu Yesus mabbisara su ola'u Ghaṛṛahon Ruata apan sarun sengkamannu manga taumata apan mangngimanna si Tou. Ana waugu su tempo udde Ghaṛṛahon Ruata taambe nionggolla; ana waugu Mawu Yesus taambe niapaawantuga ringannu papate-Ne.)

GALATIA 3:2

Annama'a wal᷊oa'a si ya'u inolaanna sambau indi: Apa i yamiu suete nanengkamma Ghaṛṛahon Duata ana waugu mappaamattu titan agama, ara'e ana waugu i yamiu naaringikka Watti'u Al᷊al᷊uassa wuassu Ruata wuṛṛu mangngimanna si Kristus?

WATTI'U MANGA RASUL 4:8

I Petrus apan niintaṛṛoannu Ghaṛṛahon Ruata, sinumimbakka, “Manga mawu piaṛṛa'u walahanna, wuṛṛu manga mawu wageangngu mallaṛṛuungnga!

WATTI'U MANGA RASUL 10:47

“Pa'ellege, manga taumata indi naasombate Ghaṛṛahon Ruata ere lai i ite. Nariaddi apa wotongnge taumata apan mannal᷊are si mangitou saṛṛaniannu ua'e?”

YOHANES 15:26

I Ya'u sarun mandolokku Mantatal᷊ungnga si yamiu apan darantane wuassu Iamangnga. Ete i Tou Ghaṛṛaho apan sarun mapaal᷊iatta'u taṛṛino Ruata. Amungkangngu i Tou rumanta, i Tou sarun mangonggolu tatiala su ola'u riri-U.

YOHANES 14:16

I Ya'u sarun madorongnga su Iamangnga, wuṛṛu i Tou sarun manganggilla si yamiu Mattatul᷊ungnga waine, apan sarun matana'a ringanni yamiu saran mal᷊annu-l᷊annu.

YOHANES 16:7

Arawe i Ya'u mamasingkatta atonna si yamiu: Mappianne si yamiu amungkangngu i Ya'u inai; ana waugu amungkangngu i Ya'u tawe inai, Mantatal᷊ungnga udde tawe rumanta ringanni yamiu. Arawe amungkangngu i Ya'u inai, i Ya'u sarun mandolokki Tou ringanni yamiu.

YOHANES 20:21

See Mawu Yesus nabbisara si mangitou paassa lai, “Sal᷊amatta wuṛṛu paddarame si yamiu. Ere lai Iamangnga nandolo-U aroddi lai Ya'u mandolokki yamiu.”

YOHANES 20:23

Amungkangngu i yamiu mangampungnga rosan sangkatou taumata, Ruata lai mangampungnga rosane. Amungkangngu yamiu tawe mangampungnga rosan taumata waine, Ruata lai tawe mangampungnga rosane.”