YOHANES 19:4 - WUKE SUSI WATTI'U AL᷊AL᷊USASSA

⁴ Wua'udde i Pilatus sinumabangnga apia wuṛṛu nabbisara su taumata nambo udde, “Pa'ellega! I Ya'u mangapiddi Tou su liudde ringanni yamiu, tadea'u i yamiu maasingkatta manungku i ya'u tawe naasomba pasasal᷊a saran sambau si Tou.”

YOHANES 19:4 Referans Kwoze

YOHANES 19:6

Napawe manga imam temboanne wuṛṛu manga mandariaga udde naasilo Mawu Yesus, i mangitou u'ui, “Arussa'a i Tou! Arussa'a i Tou!” I Pilatus nabbisara si mangitou, “Apira'e i Tou, wuṛṛu arussa'eng kamiu sassane, i ya'u tawe naasomba saran sambau pasasal᷊a-Ne.”

YOHANES 18:38

I Pilatus naiwal᷊o si Tou, “Apa atappasannu atatul᷊idda?” See i Pilatus sinumabangnga apia wuassu wal᷊en araratuanna wuṛṛu nabbisara su manga taumatan Yahudi, “I Ya'u tawe naasomba saran sambau pasasal᷊an taumata indi.

LUKAS 23:4

Ne i Pilatus nabbisara manga imam tembonanne wuṛṛu taumata nambo udde, “I ya'u tawe naasomba sal᷊ane saran sambau su taumata indi tadea'u i Tou iṛṛuumanna.”

LUKAS 23:47

Napawe tembonannu tantara naasilo apa apan suete nariaddi, i tou nadalote Ruata. See i tou nabbisara, “Atonna-tonna, i Tou indi tawe sal᷊ane!”

1 YOHANES 3:5

I yamiu masingkatta manungku Kristus nirumanta ana waugu mamappasa manga rosan taumata, wuṛṛu paddarosa tawe sulal᷊ummu watangan-Ne.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 PETRUS 2:22

Tawe saran paassa i Tou na'ola'a rosa, wuṛṛu taambe pia sangkatou taumata naaringikka si Tou namahia.

1 PETRUS 1:19

ewe'e sambau saranapa apan lembon maarega; eteudde wadangi Kristus sassane, apan naola'a ere domba nionggolla sasamba su Ruata ringannu tawe angngone.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

LUKAS 23:41

Tumba'u ṛuumanni addua udde atonna naṛṛino su pallal᷊agung kadua. Arawe i Tou atonna-tonna tawe sal᷊ane!”

MATIUS 27:54

Tembonannu tantara wuṛṛu manga tantara apan tantal᷊anna uariaga Mawu Yesus, mangke matta'utta su tempo naapendamma linukka wuṛṛu al᷊awo'u apa apan suete nariaddi udde. I mangitou nabbisara, “Atonna, i Tou indi Ana'u Ruata!”

MATIUS 27:24

Panginsueanne i Pilatus naatutukka, manungku i tou tawe wotongnge maaola'a apa-apa lai wuṛṛu manungku manga taumata udde asinungka sarun mamangalo. Nariaddi i tou nanganu ua'e, see su saruannu taumata nambo udde i tou nangukkassa limane wuṛṛu nabbisara, “I ya'u tawe sal᷊ane su apapaten taumata indi! udde manarateng kamiu!”

MATIUS 27:19

Su tempo i Pilatus tantal᷊anna ua'ianna su wal᷊em pamarikisanna, awingnge nananata si tou ereindi, “Arie i'o lumal᷊o'a su hatton taumata apan tawe sal᷊ane udde, ana waugu ete i Tou, i ya'u niwal᷊iawannu wal᷊iawa apan maata'utta allo indi.”

MATIUS 27:4

I tou nabbisara, i ya'u suete na'ola'a rosa nandal᷊eo taumata tawe sal᷊ane, na'oman sara i Tou niṛṛuumanna pateanna! Arawe i mangitou sinumimbakka, “Masingkattu apa i yami? Udde singkannu!”

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

YOHANES 18:33

I Pilatus sinumutta apia su wal᷊ene see namaggo Mawu Yesus wuṛṛu naiwal᷊o, “Atonna I'o ratun taumatan Yahudi?”