YOHANES 19:28 - WUKE SUSI WATTI'U AL᷊AL᷊USASSA

²⁸ Mawu Yesus masingkatta manungku orassa udde sarangkanambone natipusse, wuṛṛu tadea'u apa apan uawoṛṛetta sulal᷊ummu Wuke Susi wotongngete mariaddi, i Tou nabbisara, “I Ya'u marou.”

YOHANES 19:28 Referans Kwoze

DARALO 69:21

Aal᷊uandaga naadio'a naungku, wuṛṛu i ya'u tate antimma. I ya'u maddea'a darangngu, arawe tawe gunane, i ya'u maddea'a mallal᷊imbata, arawe i ya'u tawe naasomba.

DARALO 22:15

Ikka'u nasuete naal᷊ihidda ua'e nabboso, anambon duṛṛi'u napallossa wuassu pabbuuanne, naungku nonossa ere lilinna.

YOHANES 19:30

Mawu Yesus naattemma ua'en anggore udde see nabbisara, “Nia'omante!” See nal᷊apute pua-Ne wuṛṛu natete.

LUKAS 22:37

Ana waugu, pangimante, wageangngu Wuke Susi tingikke arendi, ‘I Tou sassunnanna ere sangkatou taumata lal᷊eo,’ ṛinone mariaddi su riri-U. Ana waugu apan uawoṛṛetta su Wuke Susi matataṛṛino si Ya'u tantal᷊anna mattipusse orassa indi.”

YOHANES 19:24

Manga tantara udde nabbisara sangkatou ringannu waine, “Arie i ite mamonggo'a jubah indi, wette i ite masasi'atta asinginne isai wotongnge maabba'a.” Hatto udde mariaddi tadea'u natipusse apa apan uawoṛṛetta sulal᷊ummu Wuke Susi, eteudde: “I mangitou mattahia lau-U, wuṛṛu nasasi'attu jubah-U.” Wuṛṛu atonna manga tantara udde na'ola'a aroddi.

LUKAS 18:31

Mawu Yesus nangammullu sire mapul᷊o dua mallal᷊aṛṛenggen-Ne su sambau see nabbisara, “Padaringikka! I ite orassa indi mabatukku Yerusalem. Poiaroddi, sarangkanambone apan niwoṛṛettu manga nabi su ola'u Ana'u Taumata sarun matipussa.

YOHANES 18:4

Mawu Yesus masingkattu sarangkanambone apan sarun mariaddi su watangan-Ne. Ne i Tou nangundanite manga taumata udde wuṛṛu naiwal᷊o, “I yamiu maddea'a sisai?”

YOHANES 13:1

Allo massallo tantal᷊anna taambe nia'omanna Allo Wahewam Paskah, Mawu Yesus naasingkatte manungku temponete i Tou manantangngu runia indi mabelengnga ringannu Iamang-Nge. I Tou mandangngu manga taumata apan tatahuanan-Ne su runia, wuṛṛu i Tou sidutu mandangngu si mangitou ma'oman sara panginsueanne.

WATTI'U MANGA RASUL 13:29

Wuṛṛu napawe i mangitou suete na'ola'a sarangkanambone apan uawoṛṛetta su Wuke Susi su ola'i Tou, i mangitou nallintukku winal᷊unan-Ne wuassu alu arussa, see niaddo su lal᷊abinganna.

LUKAS 12:50

Ta'e pia lai asasusa wahewa sarun ta'u pendamanna. Wuṛṛu naungku u'ambul᷊isada amungkangngu udde taambe natipussa.

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

YOHANES 17:4

I Ya'u suete namantuga Iamangnga su wowon dunia indi ringannu nanginsue manara apan nirolokku Iamangnga si Ya'u.

YOHANES 19:36

Olangnge udde mariaddi tadea'u apa apan uawoṛṛetta sulal᷊ummu Wuke Susi, eteudde, “Tawe saran sambau wuassu duṛṛi-Ne paddianna.”