YOHANES 17:25 - WUKE SUSI WATTI'U AL᷊AL᷊USASSA

²⁵ Iamangnga apan matul᷊idda! Runia tawe maaillal᷊a Iamangnga, arawe i Ya'u maaillal᷊a Iamangnga; wuṛṛu manga taumata indi masingkatta manungku ete Iamangnga, apan nandolo-U.

YOHANES 17:25 Referans Kwoze

YOHANES 17:11

Orassa indi i Ya'u nirumanta ringannu Iamangnga. I Ya'u tate lai matana'a su runia; arawe i mangitou su runia. Iamangnga apan naukkassa! Lu'arete i mangitou ringannu taṛṛinon arannu Iamangnga, eteudde aranna apan suete nionggolu Iamangnga si Ya'u – tadea'u i mangitou maola'a sambau, ere Iamangnga wuṛṛu i Ya'u sambau.

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

YOHANES 15:21

Sarangkanambone udde sarun olaanni mangitou si yamiu, ana waugu i yamiu mallal᷊aṛṛenggeng-Ku, ana waugu i mangitou tawe maaillal᷊a si Tou apan nandolo-U.

YOHANES 7:29

I Ya'u maaillal᷊a si Tou, ana waugu i Ya'u nirumanta wua dinganni Tou, wuṛṛu ete i Tou apan nandolo-U.”

YOHANES 16:27

ana waugu Iamangnga sassane marangngu si yamiu. I Tou marangngu si yamiu ana waugu i yamiu marangngu si Ya'u, wuṛṛu mangngimanna manungku i Ya'u nirumanta wuassu Ruata.

IBRANI 8:11

I mangitou salaiwe lasa'e mangaṛṛa'a hawene lal᷊oṛṛon soa, ara'e mamasingkata tuṛṛangnge, ‘Illal᷊aite Mawu,’ Ana waugu i mangitou sarangkanambone, timmade, dario'a, sarun maa'illal᷊lal᷊a si Ya'u.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

YOHANES 8:55

arawe i yamiu tawe maaillal᷊a si Tou. Arawe i Ya'u maaillal᷊a. Amungkangngu i Ya'u mabbisara manungku i Ya'u tawe maaillal᷊a si Tou, ne i Ya'u sangkatou taṛṛa awusu, ere lai yamiu. I Ya'u maaillal᷊a si Tou wuṛṛu tuttuṛṛutta wisara-Ne.

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

ROMA 3:26

Arawe orassa indi i Tou mammangalo rosa ana mapaal᷊iatta'u atatul᷊idda. Ringannu olangnge aroddi i Tou mapaal᷊iatta'a manungku watangan-Ne tawe bahiane; wuṛṛu anambon taumata mangngimanna Mawu Yesus, nareengnga taumata apan naaukke apia ringannu Ruata.

ROMA 3:11

tawe saran sangkatou apan maasunna wuṛṛu tawe saran sangkatou apan massubba Ruata.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

WATTI'U MANGA RASUL 17:23

Ana waugu su tempo i ya'u u'amatta mammal᷊iwutta soa atatanaannu wuṛṛu mannutukka manga tampam pangal᷊iomanannu, i ya'u naasilo lai sambau tampa pangangadoannu sasamba; su tampa udde uawoṛṛetta, ‘Ionggola su Ruata apan awagananna.’ E, Ruata apan sassubbanni yamiu udde awagananna, ete i Tou apan iwabatti'u si yamiu.

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

YOHANES 17:21

I Ya'u sumal᷊ande, Iamangnga, tadea'u i mangitou sarangkanambone maola'a sambau, ere lai Iamangnga sambau ringang-Ku, wuṛṛu i Ya'u ringannu Iamangnga. Sal᷊andeanna i mangitou maola'a sambau ringanni Ite, tadea'u runia mangngimanna manungku ete Iamangnga apan nandolo-U.

YOHANES 17:18

Ere lai Iamangnga suete nandolo-U su runia, aroddi lai Ya'u mandolokki mangitou watukku runia.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 16:30

wuṛṛu i yami masingkatta manungku Mawu masingkattu sarangkanambone. Ipa'ura lai taumata maiwal᷊o manga apa su Mawu. Ana waugu udde i yami mangngimanna Mawu nirumanta wua dingannu Ruata.”

YOHANES 16:3

I mangitou ma'ola'a udde si yamiu ana waugu i mangitou taambe naaillal᷊a Iamangnga aroddi lai si Ya'u.

YOHANES 8:19

“Iamangngu udde suapa?” aiwal᷊o mangitou. Mawu Yesus sinumimbakka, “I yamiu tawe maaillal᷊a si Ya'u aroddi lai Iamang-Ku. Unnu wisara i yamiu maaillal᷊a si Ya'u, i yamiu lai sarun maaillal᷊a Iamang-Ku.”

YOHANES 6:19

Napawe nassenggotte itatakasere lima ara'e anummu kilo meteṛṛe araune, i mangitou naasilo Mawu Yesus mattudan saalanna u'amatta su wowon ua'e. I mangitou mangke nata'utta.

YOHANES 3:17

Ana waugu Ruata nandolokku Anang-Nge wal᷊ine maṛṛuungngu runia indi, arawe manal᷊amatta runia indi.

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

MATIUS 16:16

I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

SONDAPPA 16:5

I ya'u naaringikka mala'ekatta apan uataṛṛino ua'e nabbisara, “Ṛuumanna apan niemangngu udde matul᷊idda, I'o Lembon Susi, Ruata apan nirumanta, wuṛṛu nirumantate!