YOHANES 16:15 - WUKE SUSI WATTI'U AL᷊AL᷊USASSA

¹⁵ Sarangkanambone apan tatahuanannu Iamangnga udde lai tatahuanang-Ku. Ana waugu udde i Ya'u mabbisara manungku apa apan niapaasingkattu Ghaṛṛaho si yamiu, nisengkamme wuassia-U.”

YOHANES 16:15 Referans Kwoze

YOHANES 17:10

Anambon pussaa-U lai pussa'an Iamangnga; wuṛṛu anambon pussa'an Iamangnga udde lai pussa'a-U. I Ya'u niwantuhanna su wallatti mangitou.

YOHANES 3:35

Iamangnga mandangngu Anang-Nge, wuṛṛu suete nanantillu taṛṛino si Tou.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

KOLOSE 1:19

Ruata sassane mappandumma tadea'u alawo'u riadianna sulal᷊ummu wadangngu Ruata, aompaanna lai ringannu nasuungnga su wadangngu Anang-Nge.

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

KOLOSE 2:9

Ana waugu ahewallu paa'apulun Duata uatana'a sulal᷊ummi Kristus, eteudde su ola'u taumatane.

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”