YOHANES 15:14 - WUKE SUSI WATTI'U AL᷊AL᷊USASSA

¹⁴ Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

YOHANES 15:14 Referans Kwoze

MATIUS 12:50

Taumata apan ma'ola'a apulun Iamangku su surga, i tou tuṛṛang-Ku esakka, tuṛṛang-Ku wawine wuṛṛu inang-Ku.”

1 YOHANES 5:3

Ana waugu, mandangngu Ruata atapasanne tuttuṛṛuta manga parenta-Ne. Wuṛṛu manga parenta-Ne tawe maawakkata si ite,

YAKOBUS 2:23

Udde nassul᷊ungu wageangngu Wuke Susi indi, “Abraham mangngimanna Ruata, wuṛṛu ana waugu pangangimanne udde Ruata nanengkamma si tou naola'a sangkatou apan tinumuṛṛuta apulun Duata.” Ana waugu udde Abraham nisago “Hawen Duata.”

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

LUKAS 12:4

“Paanaunge, manga hawe'u! Arie pa'ata'utti mangitou apan mammate wadangnga arawe tawe maaola'a manampal᷊iu wua isudde.

YOHANES 13:17

Amungkangngu i yamiu maasingkatten sarangkanambone indi, al᷊al᷊uassa si yamiu apan suete na'ola'a manara udde.

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

YOHANES 2:5

Arawe inangngu Mawu Yesus nabbisara su mangangimbe, “Tuṛṛutte apa apan irolokki Tou si yamiu.”

YOHANES 14:28

Yamiu suete naaringikka si Ya'u mabbisara, ‘I Ya'u sarun manantangngi yamiu, arawe i Ya'u sarun mabelengnga apia ringanni yamiu’. Amungkangngu i yamiu mandangngu si Ya'u, i yamiu sarun lumuassa ana waugu i Ya'u inai ringannu Iamangnga, ana waugu Iamangnga magewal᷊anna wuassia-U.

2 TAWARIKH 20:7

Tumba'u I'o Ruatan kami. Sutempo al᷊aṛanang-Ngu, walahannu Israel, nirumanta su wanua indi, I'o nallimbuakka manga taumata apan sutempo udde uatana'a isindi. Ana see I'o nangonggolu wanua indi su papapulunni Abraham, hawe-Nu, maola'a leta'a pussa'an mangitou saran mal᷊annu-l᷊annu.

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

AMSAL 18:24

Pia gawe apan tawe satia, pia lai gawe apan mappianne wuassu tuṛṛangnga.

SASABANGNGA 7:6

I Musa wuṛṛu i Harun tinumuṛṛutta srangkanambone apan nirolokku Mawu.

RUT 3:6

Ne i Rut inaite watukku tampan taumata mammanara mannontongu watun ganduma wuassu raene. Poiaroddi i tou na'ola'a sarangkanambone apan nirolokku la'iananne.

2 MARARATU 18:6

wuṛṛu matuṛutta si Tou. Tawe saran paassa i tou nilumawanga Mawu. Al᷊awo'u parentan Mawu apan nionggola wuassi Musa, iapaamatti Hizkia ringannu atonna-tonna.

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.

YEHEZKIEL 12:7

Ana see i ya'u tinumuṛṛutte parenta Mawu si ya'u. Su allo udde lai, tantal᷊anna ta'e allattune, i ya'u nandiahite saranapa'u sulal᷊ummu sambau pinampiunanna, ere lai inanaramanne a'olaannu tumatal᷊angnga. Sutempo allo maṛṛabbite, i ya'u nallassutta loṛṛangnga ringannu lima'u su darandungngu wal᷊e'u. Ringannu wawialannu awadaalla, pinampiunanna udde ta'u nipasanna su wambangku, wua'udde i ya'u inaite.