YOHANES 14:21 - WUKE SUSI WATTI'U AL᷊AL᷊USASSA

²¹ Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

YOHANES 14:21 Referans Kwoze

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

1 YOHANES 5:3

Ana waugu, mandangngu Ruata atapasanne tuttuṛṛuta manga parenta-Ne. Wuṛṛu manga parenta-Ne tawe maawakkata si ite,

1 YOHANES 2:5

Arawe taumata apan matuṛṛutta wisaran Duata, taumata udde marangngu Ruata ringannu nasuungnga. Udde tatialane manungku i ite mabbiakka uaaukka ringannu Ruata.

2 YOHANES 1:6

Mandangngu atappasanne mabbiakka tuttuṛṛuta manga parentan Duata. Wuṛṛu manga parenta apan suete niaringiṛṛani yamiu ro'en paarorone eteudde manungku i yamiu ṛinone mabbiakka uararangngu sangkatou ringannu sangkatou.

TAHIUL᷊E 11:13

Nariaddi paatuṛṛutte manga parenta apan ta'u niapasingkata si yamiu allo indi; pandangngute Mawu Ruatanu wuṛṛu pattaṛṛamawute si Tou ringannu ahewallu lal᷊ummu naungngu.

YOHANES 16:27

ana waugu Iamangnga sassane marangngu si yamiu. I Tou marangngu si yamiu ana waugu i yamiu marangngu si Ya'u, wuṛṛu mangngimanna manungku i Ya'u nirumanta wuassu Ruata.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

DARALO 35:27

Antimanna taumata apan maapulu ma'ellega si ya'u iapaṛṛino lullala'a wuṛṛu lulluassa. Antimanna i mangitou masokka mabbisara, “Mangke atonna Mawu mawantuga! I Tou maapulun asasal᷊amattu allang-Nge!”

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

YEREMIA 31:31

Mawu nabbisara, “Sarun a'omanna tempone i Ya'u ma'ola'a pa'aire apan bakku ringannu umattu Israel wuṛṛu Yehuda.

YOHANES 16:14

I Tou sarun mamantuga si Ya'u, ana waugu apa apan suete niapaasingkatta si yamiu, sinengkamma wuassia-U.

YOHANES 14:18

I yamiu tawe itantang-Ku sassane ere asisi tim pal᷊ussa. I Ya'u sarun mabelengnga ringanni yamiu.

2 TIMOTIUS 4:22

Doronganna Mawu makkundinganna si'o. Doronganna Mawu mangal᷊amatta Manga tuṛṛangnga! Tabea wuassi yami, Paulus

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

WATTI'U MANGA RASUL 22:18

I ya'u naasilo Mawu; i Tou nabbisara si ya'u, ‘Paal᷊ihakke manantangngu Yerusalem, ana waugu manga taumata isindi tawe madaringikka tatialanu su ola'u riri-U.’

2 KORINTUS 12:8

Paatallu i ya'u u'al᷊iomanna su Ruata tadea'u radda'a udde marau wuassi ya'u.

SASABANGNGA 33:18

Ana see i Musa sinumal᷊ande, “Mawu, i ya'u paelleha'o semakku daranta-Nu.”

TAHIUL᷊E 7:13

I Tou sarun marangngu wuṛṛu mangal᷊amatta si yamiu, mao'man sara anangngu manambo, wuṛṛu reengannu a'atambanna. I Tou sarun mangal᷊amatta manga wawail᷊annu, na'oman sara maghesin gandumma, anggore wuṛṛu lanan zaitun. I Tou sarun mangal᷊amata si yamiu na'oman sara manambo sapi wuṛṛu ambinga dombanu. Anambon al᷊amatta udde sarun sengkamanni yamiu su wanua apan ionggolu Mawu si yamiu, uasul᷊ungngu paaire-Ne su iupungngu al᷊amonanu.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

2 MARARATU 18:6

wuṛṛu matuṛutta si Tou. Tawe saran paassa i tou nilumawanga Mawu. Al᷊awo'u parentan Mawu apan nionggola wuassi Musa, iapaamatti Hizkia ringannu atonna-tonna.