YOHANES 14:20 - WUKE SUSI WATTI'U AL᷊AL᷊USASSA

²⁰ Napawe nia'omante allo udde, i yamiu sarun maasingkatta manungku i Ya'u uaaukka ringannu Iamangnga, wuṛṛu i yamiu uaaukka ringang-Ku, wuṛṛu i Ya'u uaaukka ringanni yamiu.

YOHANES 14:20 Referans Kwoze

YOHANES 17:26

I Ya'u suete napaal᷊iatta'u arannu Iamangnga si mangitou; wuṛṛu i Ya'u sidutu sarun ma'ola'a aroddi, tadea'u darangngun Iamangnga si Ya'u sidutu sulal᷊ummu naungngi mangitou, wuṛṛu i Ya'u mangke sambau ringanni mangitou.”

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

1 YOHANES 4:12

Tawe saran sangkatou apan suete naasilo Ruata, arawe amungkangngu i ite uararangngu, Ruata uaaukka ringanni ite wuṛṛu darangngu-Ne masuungnga sulal᷊ummu watanganni ite.

YOHANES 14:10

Filipus! I'o tawe mangngimanna, manungku i Ya'u su sambau ringannu Iamangnga, wuṛṛu Iamangnga su sambau ringang-Ku? Apa niwisara-U si'o, tawe niwisara-U wuassu wadang-Ku sassane. Iamangnga apan sidutu su sambau ringang-Ku ete i Tou apan nammanara sarangkanambone udde.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

YOHANES 10:38

Arawe ana waugu i Ya'u, tinumuṛṛutta manara udde, pangimante apa apan Ta'u ola'anna udde, salaiwe i yamiu maddiri mangngimanna si Ya'u. Ringannu aroddi yamiu maasingkatta wuṛṛu naasunna manungku Iamangnga sidutu su sambau ringang-Ku, wuṛṛu i Ya'u sidutu su sambau ringannu Iamangnga.”

2 KORINTUS 13:5

Annama'o i yamiu maannammu watanganni yamiu sassane, apa i yamiu atonna-tonna mabbiakka ana waugu mangngimanna si Kristus! I yamiu sarun maatutukka manungku Kristus Yesus udde sulal᷊ummu naungngi yamiu! – waine lai olangnge amungkangngu i yamiu tawe mangngimanna atonna-tonna.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

YOHANES 16:26

Su tempo udde i yamiu sarun madorongnga su Iamangnga sulal᷊ummu arang-Ku; Paanaungete, i Ya'u tawe madorongnga wuassu Iamangnga ionggolla si yamiu,

KOLOSE 2:9

Ana waugu ahewallu paa'apulun Duata uatana'a sulal᷊ummi Kristus, eteudde su ola'u taumatane.

KOLOSE 1:19

Ruata sassane mappandumma tadea'u alawo'u riadianna sulal᷊ummu wadangngu Ruata, aompaanna lai ringannu nasuungnga su wadangngu Anang-Nge.

YOHANES 6:56

Taumata apan umanna ṛeme-U wuṛṛu ma'inumma raṛṛa-U sidutu su sambau ringang-Ku wuṛṛu i Ya'u ringanni tou.

2 KORINTUS 5:17

Taumata apan buatte naaukka ringanni Kristus, maola'a taumata wakku atonna-tonna. Apan tabbe nal᷊iute – sarangkanambone naola'e wakku.

YOHANES 17:11

Orassa indi i Ya'u nirumanta ringannu Iamangnga. I Ya'u tate lai matana'a su runia; arawe i mangitou su runia. Iamangnga apan naukkassa! Lu'arete i mangitou ringannu taṛṛinon arannu Iamangnga, eteudde aranna apan suete nionggolu Iamangnga si Ya'u – tadea'u i mangitou maola'a sambau, ere Iamangnga wuṛṛu i Ya'u sambau.

YOHANES 16:23

Su allo udde, i yamiu tate maiwal᷊o manga apa si Ya'u. Pangimante: Al᷊awo'u apa apan raddoronganni yamiu su Iamangnga sulal᷊ummu arang-Ku, udde sarun ionggolu Iamangnga si yamiu.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

YOHANES 17:7

Orassa indi i mangitou masingkatte manungku sarangkanambone apan nionggolu Iamangnga si Ya'u darantane wuassu Iamangnga.

2 KORINTUS 12:2

I ya'u maaillal᷊a sangkatou Saṛṛani apan mapul᷊ote appata su tonnane nal᷊iu niapaasengkengnga su tampa atanggaṛṛanne su surga. (I ya'u wagga tanne wadangnge atonna-tonna nasengkengnga ara'e tumba'u sambau aellega – tumba'u Ruata sassane masingkata.)

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

ROMA 16:7

Wal᷊oa'a lai tabea'u si Andronikus wuṛṛu si Yunias. Itarua wuṛṛu i ya'u papapulunnu sangkatou wuṛṛu buatte niṛṛuumanna su sampunna. Tantal᷊anna i ya'u taambe nangimanna si Kristus, i mangitou doronete nangimanna. I mangitou tinumelengnga su wallattu manga rasul.

YOHANES 14:11

Pangimante si Ya'u, manungku i Ya'u su sambau ringannu Iamangnga wuṛṛu Iamangnga su sambau ringang-Ku. Ara'e amungkangngu tawe, pangimante, ana waugu al᷊awo'u inolaang-Ku apan suete niola-U.