YOHANES 13:8 - WUKE SUSI WATTI'U AL᷊AL᷊USASSA

⁸ “Arie Mawu,” wisaram Petrus su Mawu Yesus, “Arie saran paassa Mawu mangukkassa ledda'u!” Arawe Mawu Yesus sinumimbakka, “Amungkangngu i Ya'u tawe mangukkassa leddanu, i'o tawe paa'aukka ringang-Ku.”

YOHANES 13:8 Referans Kwoze

TITUS 3:5

I Tou nanal᷊amatta si ite, wal᷊ine ana waugu i ite suete na'ola'a apapia, ewe'e ana waugu i Tou sassane tinumal᷊antupi ite. I Tou nanal᷊amatta si ite sulal᷊ummu Ghaṛṛahon Duata, apan nangonggolu arariaddianna wakku si ite wuṛṛu wiakka wakku ringannu nangukkassu daṛṛa-Ne si ite.

WATTI'U MANGA RASUL 22:16

Orassa indi ariete i'o maṛṛado mal᷊annu. Darisikke wuṛṛu paisaṛṛanite. Sal᷊andete su Mawu tadea'u i'o iapaal᷊iu wuassu manga rosanu.’ ”

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

EFESUS 5:26

Kristus na'ola'a ereudde tadea'u i Tou wotongnge mamaresi jamaatta udde ringannu al᷊aṛṛang-Nge wuṛṛu ringannu ua'en sasaṛṛani, tadea'u wua'udde i Tou wotongnge manantilla su Ruata.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

KOLOSE 2:23

Atonna aellehanna olangnge udde mapia; ringannu darolokke tadea'u taumata massubba mala'ekatta, mapaawawon ririne wuṛṛu mannansara watanganne; arawe sarangkanambone udde tawe gunane ipangehetta apulun taumata.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

MATIUS 26:33

I Petrus nabbisara Mawu Yesus, “Wala'e i mangitou nambo manantangngu Iamangnga, i ya'u tawe manantangnga!”

MATIUS 21:29

‘I ya'u madiri,’ sasimbakku ana'a udde. Arawe wua'udde ṛingiṛṛanne nawal᷊u wuṛṛu nanute su waillu anggore udde.

ZAKARIA 13:1

Mawu Apan Lembontaṛṛino nabbisara, “Su allo udde sarun sumabbangnga sambau al᷊imatan kua'e ipangukkassa papapulunni Daud wuṛṛu tumana'u Yerusalem wuassu rosa wuṛṛu pasasubba paal᷊uanna apan buatte niola'i mangitou.

YESAYA 4:4

Ringannu taṛṛino-Ne Mawu sarun makkuungnga wuṛṛu mamaresi uman-Ne. I Tou sarun mamaresi Yerusalem wuassu daṛṛa manga taumata apan nipate su soa udde.

MATIUS 26:35

I Petrus sinumimbakka, “Salaiwe i ya'u ṛinone mate ringannu Iamangnga, i ya'u tawe mabbisara manungku i ya'u tawe maaillal᷊a Iamangnga!” Wuṛṛu manga mallal᷊aṛṛenggen-Ne waine nabbisara aroddi lai.

MATIUS 16:22

See i Petrus nangahete Mawu Yesus watukku sandiṛṛanne wuṛṛu namo'a si Tou, wisarane, “Antimanna Ruata mapaaraun olangnge udde, Mawu! Ariewe olangnge udde mariaddi su Mawu!”

PANDARIADDI 42:38

Arawe i Yakub nabbisara, “Tawe! I Benyamin tawe wotongnge iapididi yamiu; iaangnge natete wuṛṛu orassa indi ete i tou apan ta'e wiakka. Aṛṛengenne i tou maasomba asasilaka su amatanna udde. I ya'u indi timmadete, wuṛṛu asasusa apan niapiddi yamiu si ya'u udde sarun mandantan papate'u.”

YOHANES 13:6

Na'omate i Tou ringanni Simon Petrus, apan nabbisara, “Mawu, ṛatadde Mawu nangukkassa ledda'u?”

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

2 SAMUEL 20:1

Su soan Gilgal pia sangkatou taṛṛa sal᷊asa'a aranne i Seba. I tou ana'i Bikri, wuassu ruanganni Benyamin. Sutempo taumatan Daud nangelekka nirumanta, i Seba nattiuppa trompetta wuṛṛu nangintul᷊i, “I ite tawe paa'aukka ringanni Daud. Ipa'ura i ite tumantalongnga si tou? Ei taumatan Israel, wette i ite mapul᷊ete!”

1 MARARATU 12:16

Napawe tumana'a naasilo manungku ratu maddiri maddaringikka si mangitou, i mangitou nangintul᷊i, “Ipa'ura lai i Daud wuṛṛu papapulunne! I mangitou tawe saran sambau niola'a si ite. Tumana'u Israel, wette i ite mapul᷊ete Wala'e i Rehabeam udde mangurussa watanganne sassane!” Ne tumana'u Israel napulete,

DARALO 51:2

napawe i tou nitaguanni Nabi Natan ana waugu sinumandaga si Batsyeba.

DARALO 51:7

Mangke atonna, i ya'u lal᷊eo ro'en i ya'u niasungkangnga, wuṛṛu naṛṛaitannu rosa ro'en ta'e su illoṛṛo.

YOHANES 13:9

I Simon Petrus nabbisara, “Amungkangngu aroddi, Mawu, arie tumba'u ledda'u, ewe'e lima'u wuṛṛu pua'u lai!”