YOHANES 13:21 - WUKE SUSI WATTI'U AL᷊AL᷊USASSA

²¹ Napawe Mawu Yesus suete nabbisara aroddi, naungngi Tou mangke natuno. See i Tou nabbisara, “Mangke atonna wisara-U indi; sangkatou wuassu wallatti yamiu sarun mamate si Ya'u.”

YOHANES 13:21 Referans Kwoze

MATIUS 26:21

Tantal᷊anna i mangitou u'anna, Mawu Yesus nabbisara, “Paddaringikka: Sangkatou wuassu wallatti yamiu sarun mandal᷊eo si Ya'u.”

YOHANES 13:18

Apa apan Ta'u niwisara indi wal᷊inewe su ola'i yamiu sarangkanambone. I Ya'u masingkatta isai-sai apan suete nipile. Arawe apa apan uawoṛṛetta sulal᷊ummu Wuke Susi ṛinone matipussa, eteudde ‘Taumata apan u'anna su sambau ringang-Ku sarun lumawangnga si Ya'u.’

MARKUS 14:18

Wuṛṛu tantal᷊anna i mangitou ua'ianna u'anna, Mawu Yesus nabbisara, “Padaringikka: pia sangkatou, wuassu wallatti yamiu, apan su orassa indi u'anna ringang-Ku sarun mamate si Ya'u.”

YOHANES 12:27

“Naungku sussinggawangnga; apa Ta'u iwisara su orassa indi? Ṛinonewe i Ya'u mabbisara, ‘Iamangnga liua'awe i Ya'u wuassu orassa indi’? Arawe tadea'u i Ya'u maapendamma orassu asasusa indi i Ya'u nirumanta.

YOHANES 11:33

Napawe Mawu Yesus naasilo si Maria lulluai, wuṛṛu manga taumatan Yahudi nirumanta sangkaṛṛindo'i Maria udde lai lulluai, naung-Nge nasusa, wuṛṛu i Tou niasiloanna mangke natuno atonna.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

WATTI'U MANGA RASUL 17:16

Tantal᷊anna i Paulus uaraṛṛaddo si Silas wuṛṛu si Timotius su Atena, naungnge massusa naasilo soa udde napene manga paal᷊uanna.

YOHANES 13:2

Mawu Yesus wuṛṛu manga mallal᷊aṛṛenggen-Ne tantal᷊anna u'anna annu ṛabbi. Setanna suete napaasuttam pandumanne sulal᷊ummu naungngi Yudas ana'i Simon Iskariot ipamate Mawu Yesus.

YOHANES 11:38

Mawu Yesus lembo natuno naung-Nge, see inaite su lal᷊abinganna. Lal᷊abinganna udde sambau loṛṛangnga apan nitaapannu watu wahewa.

YOHANES 11:35

See Mawu Yesus nilumuai.

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

MATIUS 26:38

I Tou nabbisara su mallal᷊aṛṛenggen-Ne, “Naungku tumanite massusa, pendamanna ere matete. Atana'e i yamiu isindi, wuṛṛu pandiagate su sambau ringang-Ku.”

YOHANES 13:22

Manga mallal᷊aṛṛenggen-Ne uaa'ellega sangkatou ringannu sangkatou, wuṛṛu lembon tinumiangnga ana waugu wagga isai apan ipappandum-Me udde.