YOHANES 11:57 - WUKE SUSI WATTI'U AL᷊AL᷊USASSA

⁵⁷ I mangitou nabbisara aroddi ana waugu manga imam tembonanne wuṛṛu manga taumatan Farisi suete namarenta manungku taumata apan masingkattu tampa Mawu Yesus, ṛinone mabal᷊o tadea'u i Tou wotongnge sametanna.

YOHANES 11:57 Referans Kwoze

YOHANES 10:39

I mangitou maddea'a lai manametta Mawu Yesus, arawe i Tou naatal᷊angnga wuassi mangitou.

YOHANES 9:22

Inangnga iamangngu taumata udde sinumimbakka aroddi ana waugu i mangitou matta'uttu manga piaṛṛa'u Yahudi; ana waugu i mangitou na'irete, manungku taumata apan manga'u Mawu Yesus Ratum Punnu Sal᷊amatta, tate wotongnge sumutta su wal᷊em pattataṛṛamawuanna.

YOHANES 8:59

See manga taumatan Yahudi nanganute watu ipanuntungnga si Tou; arawe Mawu Yesus na'imbuni, see napul᷊ete nanantangngu Wal᷊e Mawu.

DARALO 109:4

I mangitou mangngasilla si ya'u, salaiwe i ya'u marangngu si mangitou, wuṛṛu buatte niumal᷊iomanni mangitou.

YOHANES 11:46

Arawe manga pira su wallatti mangitou inaite ringannu taumatan Farisi wuṛṛu nangalae apa apan suete niola'u Mawu Yesus.

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!