YOHANES 11:53 - WUKE SUSI WATTI'U AL᷊AL᷊USASSA

⁵³ Nanattakka allo udde manga tembonannu Yahudi na'irete mamate Mawu Yesus.

YOHANES 11:53 Referans Kwoze

WATTI'U MANGA RASUL 9:23

Napawe nal᷊iu manga pira allo al᷊annune manga taumatan Yahudi na'ire mamate si Saulus.

WATTI'U MANGA RASUL 5:33

Su tempo manga Mallaṛṛuungngu Agama naaringikka udde, i mangitou mangke nasa'u, wuṛṛu i mangitou na'irete mamate manga rasul udde.

YOHANES 12:10

Ana waugu udde manga imam tembonanne ma'apulu lai mamate si Lazarus;

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

MARKUS 14:1

Rua allo lai Allom Paskah wuṛṛu Ramean Roti Tawe Ragine. Manga imam tembonanne wuṛṛu manga hurun agama tantal᷊anna maddea'a lal᷊anne manametta Mawu Yesus ringannu mal᷊anna-l᷊annaba, wuṛṛu mamate si Tou.

MARKUS 3:6

Ne manga taumatan Farisi nanantangken wal᷊em pattataṛṛamawuanna udde see mal᷊iha-l᷊ihakka na'ire ringannu sire pira taumatan Herodes, pandumanne mamate Mawu Yesus.

MATIUS 26:59

Manga imam tembonanne wuṛṛu anambo Mallaṛṛuungngu Agama mangke mammata'a maasomba tatiala awusu apan botongnge maṛṛawessa manungku Mawu Yesus iṛṛuumanna ma'oman sara mate.

MATIUS 22:46

Tawe saran sangkatou wotongnge naasimbakka Mawu Yesus. Wuṛṛu nanattakka allo udde, tawedu lai waṛṛani maiwal᷊o manga apa si Tou.

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

YEREMIA 38:15

I ya'u sinumimbakka, “Amungkangngu i ya'u mabbisara atonna, i Tuangnga sarun mangema'u ṛuumanna pateanna si ya'u; wuṛṛu amungkangngu i ya'u mangonggollu tatantiro, i Tuangnga maddiri tumuṛṛutta tatantiro udde.”

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

DARALO 113:2

Aran-Ne sarun iapasingkata, orassa indi maddatingngu sarangkal᷊o'engnge.

DARALO 71:10

ana waugu manga see'u maggahatto'u, manga taumata apan maapulu mamate si ya'u naammule.

DARALO 31:13

I ya'u tinimbul᷊iananna naal᷊ihidda taumata nate, wuṛṛu nabbal᷊i ere saranapa nirammete.

DARALO 2:2

Manga Ratun dunia sangkawuatta wuṛṛu manga tembonanne ma'ire lumawanga Mawu wuṛṛu ratu apan nipile-Ne.

NEHEMIA 13:21

I ya'u nabbisara si mangitou, “Tawe gunane i yamiu maṛṛaddo ma'oman sara marua allo isudde. Paṛṛaddo, amungkangngu i yamiu ma'ola'a udde paassa lai, i ya'u sarun makkuumanni yamiu!” Nanattakka orassa udde i mangitou tate saran paassa rumanta apia su allon Sabat.

NEHEMIA 4:16

Arawe nanattakka allo udde tumba'u sambageanganna wuassu mamanara'u apan mammanara, wuṛṛu sambageanganna lai uriagga ringannu ual᷊uṛṛen laubbu pangalo ringannu ahidda sambeangnga, allungnga wuṛṛu anaanna. Manga piaṛṛa'u tumana'a nangonggollu sasumbala su tumanangnge

PANDARIADDI 37:18

Ro'en ta'e marau i mangitou naasilote si Yusuf, wuṛṛu tantal᷊anna i tou taambe na'oma ringanni mangitou, i mangitou nabbaidda mamate si tou.

MATIUS 12:14

Arawe manga taumatan Farisi nanantangngu wal᷊em pattataṛṛamawuanna udde, see na'irete mamate Mawu Yesus.

MATIUS 26:4

I mangitou ma'ire manametta Mawu Yesus ringannu mal᷊anna-l᷊annaba, wuṛṛu mamate si Tou.

YOHANES 7:1

Wua'udde Mawu Yesus inaite su alawo'u tampa su Galilea. I Tou maddiri mabatukku leta'u Yudea ana waugu manga tembonannu Yahudi poiaroddi pia pandumma mamate si Tou.