YOHANES 11:25 - WUKE SUSI WATTI'U AL᷊AL᷊USASSA

²⁵ “Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

YOHANES 11:25 Referans Kwoze

1 TESALONIKA 4:14

I ite mangngimanna manungku Mawu Yesus suete nate wuṛṛu nabbiakka apia. Ana waugu udde i ite mangngimanna lai manungku Ruata sarun mapaawiakku apia anambon taumata apan mangngimanna Mawu Yesus wuṛṛu apan natete, tadea'u i mangitou mabbiakka su sampunna ringanni Tou.

YOHANES 3:36

Taumata apan mangngimanna Ana'a udde saru maasomba pabbawiakka tutune wuṛṛu saran mal᷊annu-l᷊annu. Arawe taumata apan tawe madaringikka Ana'a udde tawe maasomba wiakke. I tou iṛṛuumannu Ruata sarangkal᷊o'engnge.

YOHANES 1:4

Ṛengetanna udde punnu wiakka, wuṛṛu wiakka udde mannemakka taumata.

YOHANES 5:21

Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

YOHANES 6:44

Tawe saran sangkatou maaranta ringang-Ku, amungkangngu Iamangnga apan nandolo-U tawe mangapiddi tou ringang-Ku; wuṛṛu isai apan rumanta, sarun Ta'u iapaasengkengnga su Allong Kiamatta.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

YOHANES 6:35

“Ete i Ya'u roti apan mangonggolu wiakka,” unni Mawu Yesus si mangitou. “Taumata apan rumanta ringang-Ku tawe amal᷊unusanna sarangkal᷊o'engnge. Wuṛṛu taumata apan mangngimanna si ya'u tawe marou lai sarangkal᷊o'engnge.”

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

FILIPI 3:10

Tumba'u sambau apan ipaapulu'u eteudde tadea'u i ya'u maaillal᷊a si Kristus, wuṛṛu maapendamma taṛṛino apan napaawiakki Tou wuassu papate. I ya'u maapulu matataṛṛanga suaddio'a ringanni Tou wuṛṛu maola'a uasul᷊ungnga ere i Tou su ola'u papate-Ne.

SONDAPPA 20:5

Ete indi panattaṛṛannu taumata nate niapaawiakka apia. (Arawe manga taumata nate waine tawe niapaawiakka apia sulal᷊ummu saṛṛiwu su tonnane udde.)

WATTI'U MANGA RASUL 3:15

Manga tuṛṛangnga namate si Tou, sumbal᷊i ete i Tou punnu wiakku taumata nambo. Wuṛṛu Ruata suete napaawiakki Tou apia wuassu papate. Wuṛṛu i yami suete naasilo sassane olangnge udde.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 5:26

Ere lai Iamangnga sassane punnu wiakka, i Tou na'ola'a Anang-Nge lai punnu wiakka.

DARALO 36:9

I mangitou nal᷊aiddu anna su Wal᷊en-Nu, ringannu ua'e wuassu sal᷊ukku Mawu apan maatohassa.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

YESAYA 38:16

Oh Mawu, lu'arewe i ya'u wuassu wisara wuṛṛu inolaan-Nu, wala'e i ya'u mabbiakka hunane Si'o sassane.

FILIPI 1:23

I ya'u wabollenganna wuassu ruan ba'a. I ya'u maapulu atonna manantangngu runia indi see inai matana'a ringanni Kristus, ana waugu eteudde lembon apianne;

SONDAPPA 22:1

Mala'ekatta udde namantingida si ya'u sal᷊ukka apan ua'ene mangngonggolu wiakka. Sal᷊ukka udde sussal᷊endapa naal᷊ihidda kristal wuṛṛu mangngelekka wuassu adderan araratuannu Ruata wuṛṛu Ana'u Domba udde,

2 KORINTUS 4:14

I yami pia antimma manungku Ruata apan buatte napaawiakku Mawu Yesus, sarun mapaawiakki yami lai ringannu Mawu Yesus, wuṛṛu mangapiddi yamiu wuṛṛu i yami su saruan-Ne.

ROMA 4:17

Ana waugu Ruata nabbisara arendi si Abraham, “I Ya'u suete nandiaddi si'o iamangngu al᷊awo'u walahanna.” Aroddite Ruata nangonggolu paaire udde si Abraham. Wuṛṛu Abraham mangngimanna si Tou. Ete i Tou Ruata apan mapaawiakku taumata nate; ete i Tou lai Ruata apan ringannu tumba'u mabbisara ma'ola'a apa apan taambe naola'a su runia, mariaddi su runia.

LUKAS 23:43

“Pangimante,” unnu Mawu Yesus si tou, “Allo indi i'o su sampunna lai ringang-Ku su Firdaus.”

1 KORINTUS 15:29

Amungkangngu taumata nate tawe iapaawiakka apia, anio pia taumata sassaṛṛanianna hunan taumata nate? Apa hunane i mangitou ma'ola'a olangnge udde? Amungkangngu atonna taumata nate tate iapaawiakka apia lai, apa hunane i mangitou ma'ola'a olangnge udde?

1 KORINTUS 15:18

Udde atappasanne lai manungku manga taumatan Saṛṛani apan natete, udde tawe antimma lai.

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.