YOHANES 11:22 - WUKE SUSI WATTI'U AL᷊AL᷊USASSA

²² Arawe aroddi i ya'u masingkatta manungku orassa indi lai Ruata sarun mangagillu apa apan radorongannu Mawu si Tou.”

YOHANES 11:22 Referans Kwoze

YOHANES 9:31

I ite masingkatta manungku Ruata tawe madaringikka taumata marosa, ewe'e taumata apan mangngaddatta Ruata, wuṛṛu tuttuṛṛutta apulu-Ne.

MARKUS 9:23

“Apa wisaranu? Amungkangngu Iamangnga wotongnge?” sasimbakku Mawu Yesus. “Sarangkanambone wotongnge, sambal᷊iate taumata mangngimanna!”

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

YOHANES 3:35

Iamangnga mandangngu Anang-Nge, wuṛṛu suete nanantillu taṛṛino si Tou.

DARALO 2:8

Padorongke, ne anambon walahanna Ta'u ionggola Si'o, wuṛṛu ahewallu runia Ta'u olaanna pussaanu.

YOHANES 11:23

“Tuṛṛangngu sarun mabbiakka apia,” wisara Mawu Yesus si Marta.