YOHANES 10:32 - WUKE SUSI WATTI'U AL᷊AL᷊USASSA

³² Arawe Mawu Yesus nabbisara si mangitou, “I yamiu suete naasilo si Ya'u ma'ola'a manambo manara apan mapia, apan niapamanaran Iamangku si Ya'u. Wuassu anambo manara udde, suapane apan naa'al᷊udda si yamiu na'oman sara i yamiu mammareta si Ya'u?”

YOHANES 10:32 Referans Kwoze

1 YOHANES 3:12

Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

WATTI'U MANGA RASUL 2:22

Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta.

YOHANES 10:37

Amungkangngu i Ya'u tawe ma'ola'a manara apan tinantillu Iamangnga, i yamiu arie pangimanna si Ya'u.

YOHANES 5:36

Arawe tatiala-U magewal᷊anna wuassu tatialan Yohanes. Apa apan niola-U orassa indi, eteudde manara apan nianggillu Iamangnga si Ya'u, mattiala manungku Iamangnga suete nandolo-U.

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

DARALO 35:12

Apapia'u niwal᷊isanni mangitou ringannu al᷊al᷊eo; i ya'u nawul᷊ussa sulal᷊ummu sasassila.

YOHANES 10:25

Mawu Yesus sinumimbakka, “Suete Ta'u niwal᷊o si yamiu, arawe i yamiu maddiri mangngimanna. Manga manara Ta'u ola'anna su arannu Iamang-Ku, mangngonggolu tatiala su ola'u riri-U

YEREMIA 37:18

Wua'udde i ya'u naiwal᷊o, “Apa al᷊al᷊eo'u su saruanni Tuangnga ara'e su saruannu manga tembonannu araratuanni Tuangnga ara'e tumanangnge, na'oman sara i Tuangnga nantaṛṛo'u sulal᷊ummu tuttupanna?

YOHANES 10:31

See manga taumatan Yahudi namurutta watu ipanuntungnga Mawu Yesus.

YOHANES 10:33

Manga taumatan Yahudi udde sinumimbakka, “Wal᷊inewe ana waugu manga manaranu apan mapia udde i yami manuntungngu watu Si'o, arawe ana waugu I'o mangngadio'a Ruata. I'o sangkatou taumata, ma'apulu ma'ola'a riri-Nu ere Ruata.”