YOHANES 10:27 - WUKE SUSI WATTI'U AL᷊AL᷊USASSA

²⁷ Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

YOHANES 10:27 Referans Kwoze

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

YOHANES 10:14

Tumba'u i Ya'u mallal᷊u'adda apan mapia. Ere lai Iamangnga maaillal᷊a si Ya'u, wuṛṛu i Ya'u lai ma'aillal᷊a Iamangnga, aroddi lai Ya'u maaillal᷊a manga domba'u wuṛṛu i mangitou lai maaillal᷊a si Ya'u. I Ya'u mannantillu niawa-U ana waugu i mangitou.

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

IBRANI 3:7

Ana waugu udde, ere su wisaran Ghaṛṛahon Ruata, “Amungkangu su allo indi yamiu maaringikka tingikku Ruata,

YOHANES 5:25

Pangimante: Sarun rumanta tempone – ewe'e nia'omante lai tempone – taumata nate sarun maddaringikka tingikku Ana'u Ruata. Wuṛṛu taumata apan maddaringikka sarun masal᷊amatta.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

GALATIA 4:9

Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?

YOHANES 10:8

Sarangkanambone apan nirumanta nalliu ṛoro wuassia-U, udde taṛṛa ta'o wuṛṛu taṛṛa rampassa, arawe manga domba udde tawe maddaringikka tingikki mangitou.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 8:43

Anio i yamiu tawe maasunna apa iwabal᷊o-U? Ana waugu i yamiu tawe maataṛṛangnga maddaringikka al᷊aṛṛa-U.

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

LUKAS 9:23

Wua'udde Mawu Yesus nabbisara taumata nambo isudde, “Taumata apan maapulu rumandinganna si Ya'u, ṛinone tawe mannaungnga manarane sassane, mamasanna arusane miallo-miallo wuṛṛu sidutu uatantalongnga si Ya'u.

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

LUKAS 13:27

Arawe Tuanga udde sarun mabbisara apia, ‘I ya'u wagga i yamiu wuassuapa. Passal᷊iu wua isindi, yamiu apan na'ola'a al᷊al᷊eo!’

MARKUS 8:34

Wua'udde Mawu Yesus namagote taumata nambo isudde su sampunna ringannu mallal᷊aṛṛenggen-Ne. See i Tou nabbisara si mangitou, “Taumata apan mallaṛṛenggenna si Ya'u, ṛinone manantangngu manarane wua'udde mamasanna arussa-Ne wuṛṛu sidutu uatantalongnga si Ya'u.

MATIUS 25:12

Arawe maa'awingnga esakka udde sinumimbakka, ‘I Ya'u waggang kamiu!’ ”

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MATIUS 7:23

Arawe i Ya'u sarun sumimbakka, ‘I Ya'u taambe saran paassa naaillal᷊a si yamiu! Roote paarau wua isindi, yamiu apan ma'ola'a al᷊al᷊eo!’ ”

SONDAPPA 14:4

I mangitou udde manga taumata apan sidutu na'ukkassa ere maṛṛuala susi, ana waugu tawe uaaukka suadio'a ringannu wawine. I mangitou uatantalongnga Ana'u Domba udde suapan tampa i Tou inai. Wuassu wallatu anambon taumata, tumba'u i mangitou apan suete nipallosa maola'a sasamba apan paarorone su Ruata wuṛṛu su Ana'u Domba.

WATTI'U MANGA RASUL 3:23

Taumata apan tawe madaringikka wisara nabi udde, taumata udde sarun limbuaṛṛanna wuassu walahannu Ruata wuṛṛu pateanna.’

MARKUS 10:21

Mawu Yesus nanaile taumata udde ringannu aakkanna see nabbisara, “Ete inolaanna sambau lai apan sarun olaannu. Roote wal᷊ua'a anambon darotongngu; onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate ṛundingante si Ya'u.”

YESAYA 66:22

Naal᷊ihidda langitta wakku wuṛṛu runia wakku sarun matatana'a ana waugu taṛṛino-U, aroddi lai pallaṛṛitenu wuṛṛu arannu sarun sidutu matatana'a.