YOHANES 1:9 - WUKE SUSI WATTI'U AL᷊AL᷊USASSA

⁹ Semakka tutune apan mannemakka anambon taumata, nirumanta su runia.

YOHANES 1:9 Referans Kwoze

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

1 YOHANES 2:8

Salaiwe aroddi, parenta apan ta'u niwoṛṛeta indi wakku lai; ana waugu atatul᷊ide wotongnge aellehanna su wadangi Kristus wuṛṛu lai su wadangi yamiu. Ana waugu araranduma mabbul᷊ite wuṛṛu asasemakka apan atonna mannatake lullansiangnga.

YOHANES 1:4

Ṛengetanna udde punnu wiakka, wuṛṛu wiakka udde mannemakka taumata.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YOHANES 1:7

I tou nirumanta mammasingkattu asasemakka udde, tadea'u anambon taumata mangngimanna.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 6:32

See Mawu Yesus nabbisara si mangitou, “Pangimante: Wal᷊ine i Musa ewe'e ete Iamang-Ku apan nangonggolu roti suṛṛinone wuassu surga.

1 YOHANES 1:8

Amungkangu i ite mabbisara manungku i ite tawe paddarosa, i ite nangawusu watanganni ite sassane; wuṛṛu Ruata tawe sulal᷊ummu naungngi ite.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

YOHANES 15:1

Mawu Yesus nabbisara apia, “I Ya'u punnu anggore apan tutune, wuṛṛu Iamang-Ku mabbawaille.

YOHANES 7:12

Manambo taumata mannattake uasasal᷊imburungnga su ola'i Tou. Piaddu mabbisara, “I Tou taumata mapia.” Piaddu lai mabbisara, “Tawe! I Tou mangngal᷊iwun taumata nambo.”

MATIUS 6:23

Arawe amungkangngu matanu mal᷊abukka, ahewallu wadangngu marandumma lai. Nariaddi amungkangngu sol᷊o sulal᷊ummu wadangnga udde marandumma, lembo nabbasa lai ararandumma udde!”

LUKAS 11:36

Amungkangngu ahewallu wadangngu masemakka, wuṛṛu tawedu saran sambau marandumma, ne ahewallu wadangngu udde masema-semakka ere sassemaṛṛannu semakku sol᷊o.”