YOHANES 1:47 - WUKE SUSI WATTI'U AL᷊AL᷊USASSA

⁴⁷ Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

YOHANES 1:47 Referans Kwoze

SONDAPPA 14:5

Tawe saran paassa i mangitou mangawusu; wuṛṛu i mangitou tawe anggone saran adio'a.

DARALO 73:1

Daralon Asaf. Mapiawe atonna Ruata su al᷊aṛṛanang-Nge, su taumata apan naungnge waresi.

DARALO 32:2

Lal᷊umanna'a su taumata apan al᷊al᷊eone tawe nireengngu Mawu, wuṛṛu maddiri mamahia.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

ROMA 9:6

I ya'u tawe pandumma mamasingkata manungku paairen Duata tate ipaatta lai; arawe wal᷊ine anambon taumatan Israel udde walahanna apan nipilen Duata.

YOHANES 8:31

Wua'udde Mawu Yesus nabbisara su manga taumatan Yahudi apan nangimante si Tou, “Amungkangngu i yamiu mabbiakka tuttuṛṛutta al᷊aṛṛa-U, i yamiu atonna-tonna mallal᷊aṛṛenggeng-Ku,

1 PETRUS 2:22

Tawe saran paassa i Tou na'ola'a rosa, wuṛṛu taambe pia sangkatou taumata naaringikka si Tou namahia.

1 PETRUS 2:1

Ana waugu udde, rammea'e wuassu ririnu al᷊awo'u al᷊al᷊eo; ariete lai pamahia, wuṛṛu arie pallilangkamal᷊e'a. Ariete mannaungnga lal᷊eo, wuṛṛu arie pangngadio'a taumata waine.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

YOHANES 8:39

I mangitou sinumimbakka, “Iamangngi yami eteudde i Abraham.” “Unnu wisara atonna-tonna i yamiu ana'i Abraham,” unnu Mawu Yesus, “i yamiu ṛinone ma'ola'a apa apan a'olaanni Abraham.

YOHANES 2:25

Taumata salaiwe tate manal᷊a'a si Tou su ola'u isai-sai, ana waugu i Tou sassane masingkatta apa apan uataṛṛo su naungngu taumata.

YOHANES 4:16

“Roote, waggoi awingngu, see pabelengnga apia isindi,” unnu Mawu Yesus.