YOHANES 1:15 - WUKE SUSI WATTI'U AL᷊AL᷊USASSA

¹⁵ I Yohanes nirumanta naola'a tatiala-Ne, i tou mammasingkatta: “Ete i Tou indi apan ta'u iwabbatti'a: I Tou sarun rumanta, nasal᷊immuri wuassia'u, arawe magewal᷊anna wuassia'u, ana waugu tantal᷊anna i ya'u taambe, i Tou nirumantate.”

YOHANES 1:15 Referans Kwoze

MATIUS 3:11

I ya'u mannaṛṛani si yamiu ringannu ua'e, udde mappaal᷊iatta'a manungku i yamiu nawal᷊ute wuassu paddarosang kamiu, arawe apan sarun dumanta sal᷊immurine wuassia'u, sarun manaṛṛani si yamiu ringannu Ghaṛṛahon Duata wuṛṛu putungnga. I Tou maggewal᷊anna wuassia'u saran mangapiddu sapatune lai Ya'u tawe su ṛinone.

KOLOSE 1:17

Tantal᷊anna taambe nariaddi sarangkanambone, Kristus uddete dorone. Wuṛṛu ana waugu i Tou lai, ne al᷊awo'u inolaanna su tampanete sambau-sambau.

YOHANES 17:5

Iamangnga! Wantuhete i Ya'u orassa indi ringannu Iamangnga, ringannu awawantuga apan tatahuanang-Ku suadio'a ringannu Iamangnga ro'en runia indi taambe nariaddi.

LUKAS 3:16

Ana waugu udde i Yohanes nabbisara si mangitou sarangkanambone, “I ya'u mannaṛṛani si yamiu ringannu ua'e, arawe paṛṛaddote sarun rumanta sal᷊immurine lembon ahewal᷊anne wuassia'u. Mamu'a tal᷊in sapatune lai ya'u tawe suṛṛinone. I Tou sarun manaṛṛani si yamiu ringannu Ghaṛṛahon Ruata wuṛṛu putungnga.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

YOHANES 8:58

Mawu Yesus sinumimbakka, “Atonna i Ya'u mabbisara si yamiu: Tantal᷊anna i Abraham taambe niasungkangnga, i Ya'u nariaddite.”

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

YOHANES 1:27

I Tou nirumanta sal᷊immurine wuassia'u, arawe mamu'a tal᷊in sapatu-Ne lai ya'u tawe wotongnge.”

MARKUS 1:7

I tou namasingkattu watti'a indi, “Ṛaddoi wuassia'u sarun dumanta taumata apan maggewal᷊anna wuassia'u. Umaruutta mamu'a tal᷊in sapatu-Ne lai ya'u tawe su ṛinone.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

AMSAL 8:22

I ya'u niriaddin Mawu naola'a paarorone, ete i ya'u lanna'u manara-Ne apan paarorone sutempon al᷊amona.