YOEL 2:17 - WUKE SUSI WATTI'U AL᷊AL᷊USASSA

¹⁷ Doloṛṛa'e manga imam apan mangimbe Mawu, lummuai suwallattu mezbah wuṛṛu panumbal᷊e su saruanne, lapiddu mabbisara, “Akkanaawe uman-Nu, oh Mawu; arie pabbala'a pussa'a-Nu mabbal᷊i pia angngone,” ma'oman sara manga walahanna waine mammasendekka wuṛṛu mabbisara, “Suapa Ruatan mangitou?”

YOEL 2:17 Referans Kwoze

YEHEZKIEL 8:16

I ya'u niapid-De watukku rallakka sulal᷊ummu Wal᷊en Mawu. Marani ngara sasuttanna watukku wabbo'a susi, suwallattu mezbah wuṛṛu lal᷊anna, pia duan pul᷊o l᷊ima su atoune taumata. I mangitou uatal᷊iudda wabbo'a na'ukkassa, wuṛṛu ual᷊intudda watukku ra'i massubba matannallo sumabbangnga.

DARALO 115:2

Anio manga walahanna mabbisara, “Suapate Ruatan mangitou?”

DARALO 79:10

Arie pabbala'a walahanna waine maiwalon kami, “Suapate Ruatan mangitou?” Wala'ewe i yami maasilo wawal᷊inne su walahanna apan namate manga allang-Ngu.

MATIUS 23:35

Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

AMOS 7:2

Manga saṛṛappalanna udde mangke maranin manginsue anambon sinuananna su leta'a. Wua'udde i ya'u nabbisara, “Mawu Apan Atanggaṛṛanne, ampungewe uman-Nu! I mangitou tumaniten addio'a wuṛṛu lome, ereapa wotongnge i mangitou maataṛṛangnga?”

YOEL 1:9

Gandumma wuṛṛu anggore nawul᷊ite wuassu Wal᷊en Mawu. Ne nilumal᷊ote manga imam, apan satia mangngimbe Mawu.

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

1 MARARATU 6:3

Su wageanggu saruannu Wal᷊en Mawu udde pia balai apan al᷊o'engnge 4,5 metere wuṛṛu al᷊alakke 9 metere, ere al᷊alakku wal᷊en udde lai.

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

AMOS 7:5

I ya'u nabbisara, “Oh Mawu Apan Atanggaṛṛanne, sal᷊andeanna illol᷊oa'e putungnga udde! Uman-Nu aroddi addio'a wuṛṛu lome, ereapa wotongnge i mangitou maataṛṛangnga?”

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

DARALO 89:51

Naungete oh Mawu, ereapa manga allang-Ngu indi aal᷊uandahanna, i ya'u uapasanna lal᷊obbossu manga walahanna.

DARALO 89:41

Niṛṛa'a-Nu manga darandungu soane, manga tanda'a watune niolang-Ngu ete nallambe tuidda.

DARALO 79:4

I yami naola'a paaeettu manga walahanna su al᷊indonganna, i mangitou nilumagge wuṛṛu mannappissi'a si yami.

DARALO 74:10

Maddatingngu tingngera, oh Ruata, seetta mangngeetta Si'o? Sarangkal᷊o'engnge i mangitou mallobbossa aran-Nu?

DARALO 42:10

I ya'u nabbisara su Ruata, mananahe'u, “Anio I'o naabul᷊i'u? Anio i ya'u sidutu uatataṛṛangnga, ana waugu aallangannu manga see'u?”

2 TAWARIKH 8:12

Salomo nangonggolu sasamba itattambunna su Mawu su mezbah apan nilanginne su saruannu Wal᷊en Mawu.

TAHIUL᷊E 32:27

Arawe i Ya'u maddiri seettu Israel mamarabunga; aṛṛengenne i mangitou massal᷊a sunna wuṛṛu mabbisara manungku i mangitou namaddon al᷊aṛṛana-U,’ wutte'e ete i Ya'u apan na'ola'a.

MATIUS 27:43

I Tou mangngimanna Ruata wuṛṛu mabbisara manungku i Tou Ana'u Ruata. Ne, wette i ite ma'ellega tanne Ruata manal᷊amatta si Tou orassa indi.”

MALEAKHI 1:9

Orassa indi, ei manga imam, annama'o paddorongnga su Ruata tadea'u i Tou umakkanni ite. I Tou sarun sumimbakka aal᷊iomannu, wuṛṛu pasasal᷊anu sassane.

NEHEMIA 9:36

Ne orassa indi i yami naola'e allangnga su leta'a apan nionggollu Mawu maola'a pussa'a. Leta'a indi masuwukka, napenen hessine, apan ṛinone temmanni yami.

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

DARALO 42:3

I ya'u mappulun Ruata apan wiakka, tingngera i ya'u wotongnge maataṛṛamawu su Wal᷊en-Ne?

2 TAWARIKH 7:20

ne i Ya'u sarun mapasabbangngi yamiu wuassu wanua apan buatte Ta'u nionggola si yamiu. I Ya'u lai sarun manantangngu wal᷊en indi apan buatte Ta'u niatokka maola'a tampa patataṛṛamawuanna si Ya'u. Su al᷊awo'u tampa wal᷊en indi sarun al᷊uandahanna wuṛṛu ilallage.

1 MARARATU 9:7

ne i Ya'u sarun mallimbuakka uma-U wuassu wanua apan buatte Ta'u nionggolla si mangitou. I Ya'u lai sarun manantangngu wal᷊en indi apan buatte Ta'u nitantunna maola'a tampa patataṛṛamawuanna si Ya'u. Suapan tampa taumatan Israel sarun lobbosanna wuṛṛu ilallage.

TAHIUL᷊E 28:37

Su manga wanua tampan kamiu nisal᷊iawukku Mawu, manga taumata sarun mata'utta maasilo si yamiu; yamiu sarun al᷊uandahanna wuṛṛu ilagge mangitou.

REENGANNA 25:6

Su tempo i Musa wuṛṛu anambon taumata tantal᷊anna lulluai su ngaran Dasannu Mawu, i mangitou naasilo sangkatou Israel uaapiddu sangkatou wawinen Midian sinumutta sulal᷊ummu rasanne.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YOSUA 7:9

Taumatan Kanaan wuṛṛu anambon taumata waine su leta'a indi sarun maaringikka olangnge udde. I mangitou sarun mamangalo wuṛṛu mamate si yami sarangkanambone! Ana see apa sarun olaannu tadea'u I'o sidutu a'addatanna?”

DARALO 42:4

Allo ṛabbi i ya'u lulluai, anna si ya'u tumba'u allon mata. Su al᷊o'engngu allo see'u maiwal᷊o, “Suapate Ruatanu?”

DARALO 42:11

Naungku naṛṛimunsa'a ana waugu aal᷊uandagu seetta. I mangitou sidutu ma'iwal᷊o, “Suapate Ruatanu?”