YOEL 2:13 - WUKE SUSI WATTI'U AL᷊AL᷊USASSA

¹³ Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

YOEL 2:13 Referans Kwoze

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 34:18

Amungkangu taumata susi sumal᷊ande, Mawu maddaringikka, wuṛṛu manal᷊amatta si mangitou wuassu al᷊awo'u asasusa.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 103:8

Ana waugu Mawu marangngu wuṛṛu maakkanna, i Tou masabare wuṛṛu darangngu-Ne uatinnalunna.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

2 SAMUEL 1:11

Naaringikka watti'a udde i Daud nanggesa'a laungnge ana waugu massusa, wuṛṛu anambon tantarane na'ola'a aroddi lai.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

DARALO 51:17

Oh Mawu, ontol᷊ewe i ya'u mabbisara, ne i ya'u sarun maddalo Si'o.

2 MARARATU 22:19

i'o sumassilla wuṛṛu sumallungu watangannu su saruang-Ku. I Ya'u buatte namansaga makkuumannu Yerusalem wuṛṛu tumanange. I Ya'u sarun ma'ola'a soa udde sambau tampa aellehanna wuṛṛu ma'ata'utta, wuṛṛu aranna Yerusalem sarun maola'a aranna awawontoga. Arawe sutempo i'o naaringikka i Ya'u mammansaga udde, i'o nilumuai wuṛṛu nanggesa'a laungu tatialan massusa. I Ya'u buatte naddaringikka aal᷊iomannu,

EFESUS 2:4

Arawe aroddi ahewalle darangngun Duata! I Tou aroddi marangngu si ite,

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

AYUB 1:20

Ana see i Ayub dirumarisikke wuṛṛu nanggesa'a laungnge tatialan massusa. I tou nallunggukka puane, ana see niumal᷊intudda

REENGANNA 14:18

‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

NEHEMIA 9:17

I mangitou tawe tumuṛṛutta, al᷊awo'u apapia-Nu tinimbul᷊iannana, wuṛṛu anambon inolaan-Nu apan maatiangnga nawul᷊i wuassu naungnga. Ringannu mawunga i mangitou namile sangkatou piaṛṛangnge, ipangapiddi mangitou watukku Mesir, mabbelengnga maola'a allangnga. Arawe I'o Ruata apan apulune mangngampungnga, masabbare, masaṛṛionto'a wuṛṛu napenen darangngu. Darangngu-Nu atonna tawe pattaal᷊anne; I'o tawe nanantangngi mangitou.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

2 MARARATU 6:30

Naaringikka udde, ratu nanggesa'a laungnge ana waugu nasusa. Manga taumata apan uarisikka maranin darandunga udde naasilo manungku laubbu lal᷊umme niola'a wuassu karongnga.

2 MARARATU 5:7

Napawe ratun Israel naawasan suratta udde, i tou nanggesa'a launge ana waugu sussinggawanga, lapiddu nabbisara, “Nasilakate, anio ratun Siria udde madoronga i ya'u mangundamma taumata indi? I ya'u wal᷊ine Ruata apan uatahuanna taṛṛino mapawiakka ara'e mamate taumata! Asinungka ratun Siria udde tumba'u maddea'a ngal᷊e si ya'u!”

1 MARARATU 21:27

Napawe i Elia nuddusse nabbisara, i Ahab nanggesa'a laungnge wuṛṛu nalluṛṛen laubba karongnga naola'a tatiala sussassilla, ana see nappuassa. Sutempo mati'illa lai i tou nappaattu nasa karongnga, wuṛṛu amungkangngu umamatta, hatine sidutu massusa.

PANDARIADDI 37:34

I Yakub nanggesa'a laungnge ana waugu massusa wuṛṛu nalluṛṛen laubbu lalal᷊o. Aroddi al᷊annune i tou lulluain anangnge udde.

PANDARIADDI 37:29

Napawe nabelengnga su paṛṛihi udde wuṛṛu tawe naasilo si Yusuf isudde, i tou nanggesa'a laungnge ana waugu massusa.

YESAYA 58:5

Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

2 MARARATU 22:11

Naaringikka lal᷊oṛṛon buke udde, ratu nanggesa'a launge ana waugu masusa.

YEREMIA 41:5

nirumantate siri ual᷊un pul᷊o taumata wuassu Sikhem, Silo, wuṛṛu Samaria. I mangitou buatte nangiṛṛi omengnga, nanggesa'a laubba, wuṛṛu ringannu mannatta'a awa'i mangitou. I mangitou uaapiddu gandumma wuṛṛu kemenyan ionggolla su Wal᷊en Mawu.

YEREMIA 42:10

‘Amungkangngu i yamiu mappulu sidutu uatana'a su wanua indi, i Ya'u sarun mabbatunna si yamiu, wal᷊ine mamontolla; i Ya'u sarun mapararisikki yamiu, wal᷊ine manggohakka.

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

2 TAWARIKH 6:27

oh Mawu su surga, daringiṛewe i mangitou. Wuṛṛu ampungewe rosan manga allang-Ngu walahannu Israel. Tantiroiwe i mangitou su inolaanna apan ṛinone. Wua'udde, oh Mawu, pasosoṛṛaawe uranna su wanua-Nu indi, wanua apan nionggolu Mawu su walahannu apan maola'a pussaane saran mal᷊annu-l᷊annu.

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YUNUS 3:9

Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”