YOEL 2:12 - WUKE SUSI WATTI'U AL᷊AL᷊USASSA

¹² Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

YOEL 2:12 Referans Kwoze

HOSEA 12:6

Ruata udde eteudde Mawu Apan Lembon Taṛṛino. Aran-Ne eteudde Mawu. Ete ringannu aranna udde i Tou mappandumma taumata mattaṛṛamawu si Tou.

YEREMIA 4:1

Mawu nabbisara, “Umattu Israel, amungkangngu i yamiu mappulu mabbelengnga, wette pabbelengke ringang-Ku. Rammea'e dorone manga paal᷊uanna apan ia'aranting-Ku udde, wuṛṛu paatuṛṛutte si Ya'u.

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

MAL᷊AṚṚUUNGNGA 20:26

Ne walahannu Israel inaite apia watukku Betel wuṛṛu nilumuai su Mawu. Poiaroddi i mangitou tawe niumanna naddatingngu ṛabbi wuṛṛu nangonggolu sasamban paddarame see lai sasamba itattambunna su Mawu.

ZAKARIA 7:3

I mangitou lai nirolokka niapaiwal᷊o su manga imam wuṛṛu manga nabi, arendi, “Ta'e lai ṛinone i yamiu lumuain ahahohakku Wal᷊en Mawu ringannu mappuasa suapan bul᷊anna al᷊imane ere buatte niola'i yami manga pira tonna al᷊aannune?”

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

ZAKARIA 7:5

Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

YESAYA 58:4

Tantal᷊anna mappuasa, i yamiu uatatiakka wuṛṛu uawawul᷊o wuṛṛu ma'inolaanna ringannu maṛṛagissa. Sunnanu ola'i yamiu mappuasa udde mangal᷊ore-U see maddaringikka manga aal᷊iomannu?

YEREMIA 4:2

Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

MALEAKHI 1:9

Orassa indi, ei manga imam, annama'o paddorongnga su Ruata tadea'u i Tou umakkanni ite. I Tou sarun sumimbakka aal᷊iomannu, wuṛṛu pasasal᷊anu sassane.

MAL᷊AṚṚUUNGNGA 2:4

Napawe mala'ekatta udde buatte namasingkattu watti'a udde, walahannu Israel sarangkanambone nilumuai ringannu ma'ikkata.

2 SAMUEL 24:10

Arawe napawe i Daud buatte nandeengngu walahanna udde, i tou naapendamma pasasal᷊a, wua'udde i tou nabbisarate Mawu, “Oh Mawu, i ya'u tumaniten marosa! Ampungewe i ya'u, ana waugu inolaangku udde tumaniten longonna.”

2 TAWARIKH 6:27

oh Mawu su surga, daringiṛewe i mangitou. Wuṛṛu ampungewe rosan manga allang-Ngu walahannu Israel. Tantiroiwe i mangitou su inolaanna apan ṛinone. Wua'udde, oh Mawu, pasosoṛṛaawe uranna su wanua-Nu indi, wanua apan nionggolu Mawu su walahannu apan maola'a pussaane saran mal᷊annu-l᷊annu.

2 TAWARIKH 30:6

Wuassu parentan datu wuṛṛu manga mamanaran araratuanne manga daroloṛṛanna nirolokke watukku ahewallu leta'u Yehuda wuṛṛu Israel niapaapiddu manga suratta apan tingikke ereindi: “Tumana'u Israel! I yamiu napallosse wuassu taṛṛinon taumatan Asyur. Orassa indi yamiu ṛinone mabelengnga mangaddatta Mawu, Ruata apan sassubbanni Abraham, Ishak wuṛṛu Yakub, tadea'u i Tou lai mabelengnga mangontolla si yamiu apia.

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

HOSEA 12:7

Ana waugu udde, ei i yamiu papapulunni Yakub, pangimante Ruatanu wuṛṛu pabbelengke ringanni Tou. Pabbiakke ringannu napenen darangngu wuṛṛu atatul᷊idda, wuṛṛu paṛṛaddote ringannu sabare ma'oman sara Ruatanu mammanara.

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.