YOEL 1:4 - WUKE SUSI WATTI'U AL᷊AL᷊USASSA

⁴ Ammul᷊annu saṛṛappalanna apan tawe iareengnga anambone, na'oman sara su manga wawail᷊anna sarun nanaṛṛangassa wuane. Apate apan nilamben ammul᷊annu saṛṛappalanna indi, niinsuen ammul᷊annu saṛṛappalanna waine lai.

YOEL 1:4 Referans Kwoze

YOEL 2:25

I Ya'u sarun mallana'a al᷊awo'u ararugiannu su manga tonna sutempo saṛṛappalanna niumanna hessin pangitingannu. Ana waugu ete i Ya'u apan nandolokku ammul᷊annu saṛṛappalanna udde si'o.

AMOS 4:9

I Ya'u napaatiuppu anginna mal᷊oso wuṛṛu nangirimmu radda'u sasuanna apan mamate manga sasuanna see manga wawail᷊annu anggori yamiu. Manga alu ara, wuṛṛu manga allun zaitun nasuete nitaṛṛangassu saṛṛappalanna. Salaiwe aroddi i yamiu ta'e lai maddiri mabbelengnga ringang-Ku.

AMOS 7:1

I ya'u naasomba sondappa wuassu Mawu Apan Atanggaṛṛanne. I ya'u naasilo i Tou nandiaddi sambau ammul᷊annu saṛṛappalanna apan manambo sutempo taumata nuddusse namabbassa nannal᷊o ionggolla su ratu, wuṛṛu nannal᷊o wakku mannattakke tuttuwo apia.

YESAYA 33:4

Naal᷊ihidda ammul᷊annu taṛṛangassa taumata mammangalo wuṛṛu makkampassa darotongngi mangitou.

DARALO 78:46

I Tou nandantan ul᷊idda wuṛṛu saṛṛappalanna, wuṛṛu nanginsue pangitinganna wuṛṛu hessin wawail᷊anna.

SASABANGNGA 10:4

Amungkangngu i'o ta'e lai manol᷊a'a, ne tiṛṛabbi Ya'u mandantan taṛṛangassa su wanuanu.

YEREMIA 51:14

Mawu Apan Lembontaṛṛino nassalu ringannu watangan-Ne sassane manungku i Tou sarun mandolokku taumata anambone ere saṛṛapalanna inai mamangalo Babel, wuṛṛu i mangitou sarun mangintul᷊in hahuressan auntunganna.

DARALO 105:34

Wuassu parenta-Ne, nirumantate taṛṛangassa, reenganne tumaniten manambo, tawe iareengnga.

2 TAWARIKH 7:13

Amungkangu i Ya'u tawe manossokku uranna ara'e i Ya'u mandolokku saṛṛappalanna iapainsue manga sasuanna ara'e mandantan saidalu su al᷊aṛṛana-U,

TAHIUL᷊E 28:38

Manambo wualanna apan niasi'i yamiu, arawe matul᷊unga hessine apan asombanganni yamiu, ana waugu sasuannu nasuete ni'annu saṛṛappalanna.

YEREMIA 51:27

“Ei ratu wuassu sawannakka! Onggol᷊eten tatialan pangalo! Tiuppe trompetta tadea'u manga walahanna maaringikka! Diarraa'e manga walahanna inai mapapangalo lumawangnga Babel! Doloṛṛa'e araratuannu Ararat, Mini wuṛṛu Askenas mamangalo. Pamilete sangkatou panglima iapapiaṛṛa'u pangalo udde. Piaṛṛa'e awal᷊o ringannu anambone ere ammul᷊annu saṛṛapalanna.

1 MARARATU 8:37

Amungkangngu wanua indi naṛṛiaannu ṛutumma ara'e al᷊aṛṛussa'itta, wuṛṛu manga sasuanna naṛṛangu su anginna mal᷊oso, radda'a ara'e niinassu taṛṛangassa, ara'e amungkangngu uman-Nu pangaloannu seetta, ara'e nirumadda'a,

2 TAWARIKH 6:28

Amungkangu wanua, indi rantannu elessa ara'e sa'itta, ara'e manga sasuanna pateannu anginna mal᷊oso radda'u sasuanna ara'e saṛṛappalanna, ara'e amungkangu walahan-Nu pangaloannu seetta, ara'e rantannu radda'a,

TAHIUL᷊E 28:42

Anambon alu wuṛṛu sasuannu sarun masue annanannu ul᷊idda.

SASABANGNGA 10:5

Ahewallu wowon leta'a sarangkanambone sarun ataapannu taṛṛangassa apan aroddi anambone. Anambon lamben sasuanna, ewe'e lai manga aaluanna apan tawe nate su uranna masunge, sarun insueannu taṛṛangassa udde.

MALEAKHI 3:11

I Ya'u sarun tawe mamala saṛṛappalanna manggohakka hessin sinuanannu; manga punnu anggorenu sarun mabbelle'u wuane.