YESAYA 9:17 - WUKE SUSI WATTI'U AL᷊AL᷊USASSA

¹⁷ Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

YESAYA 9:17 Referans Kwoze

YEREMIA 18:21

Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

YESAYA 10:4

Pal᷊addu pabbiaṛṛannu tumba'u pateanna sulal᷊ummu pangalo ara'e ehetanna maola'a taumata niatawanna. Arawe Mawu ta'e sidutu massa'u wuṛṛu ta'e makkuumanna.

DARALO 147:10

Apuluannu Mawu wal᷊inewe awal᷊o apan matohassa; wal᷊ine lai tantara apan waṛṛani.

MATIUS 16:3

Wuṛṛu su ruaallo, i yamiu mabbisara, ‘Allo indi manguranna, ana waugu langitta maṛṛamutta wuṛṛu marandumma.’ Ei, yamiu wotongnge maṛṛangngon hatim banua ringannu ma'ellega ola'u langitta, arawe manga tandan tempo tawe iaṛṛangngong kamiu!”]

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

MIKHA 7:2

Taumata matul᷊idda nawul᷊ite wuassu wanua, taumata apan satia su Ruata tate asangkal᷊anna lai. Suapan taumata uaṛṛaddo tempone mamate. Sangkatou-sangkatou nantaingngu sedda su taumata sansul᷊ungnge.

YEHEZKIEL 20:33

“Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu Ta'u iapanaungnga manungku ana waugu asasa'u-U, i yamiu sarun parentang-Ku ringannu maṛṛagissa wuṛṛu matotogga ma'oman sara i yamiu maasingkatta taṛṛino-U. I yamiu apan buatte Ta'u nisal᷊iawukka.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YESAYA 62:5

Ere sangkatou umbasanna nattunanga ana'a maṛṛuala, etearoddi Mandariaddinu sarun ma'awingngu. Ere sangkatou esakka mal᷊uassa naungnge ma'asilo awingnge, etearoddi Ruata sarun mandangngu si'o.

YESAYA 13:18

Ringannu al᷊ati'anna wuṛṛu anaanne i mangitou sarun mamate manga taumata saṛṛen tumuwo. I mangitou tawe umakkannu ana'a maṛṛamutta wuṛṛu tawe tumal᷊antuppu dario'a.

YESAYA 10:2

Ringannu olangnge udde i yamiu mannal᷊awa'u taumata asiangnga maasomba hakkane wuṛṛu atatul᷊idde, wuṛṛu nangaṛṛo darotongngu manga wawine wal᷊u asisitimpal᷊ussa.

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

AYUB 15:34

Taumata lal᷊eo sarun tawe maasomba paangawanne; masuete matutungnga wal᷊en apan niolangnge wuassu ul᷊en roittu aonggolla.

DARALO 109:12

Arie piaddu mannaungnga mapia si tou, ara'e umakkannu manga anangnge apan tinantangnge.

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

YESAYA 14:20

I'o buatte naminasa wanuanu wuṛṛu namate pabbawalagu sassane. Ana waugu udde i'o sarun tawe ilabbingnga ere manga ratu waine. Tawe saran sangkatou wuassu walahannu apan dal᷊eo udde sarun iapaasal᷊amatta.

YESAYA 24:5

Runia mabbal᷊i lal᷊eo ana waugu tumanangnge lullawangnga manga parentan Duata, mammal᷊u manga atoranna wuṛṛu massinaaddu riandi apan niolangnge ringanni mangitou saran mal᷊annu-l᷊annu.

YESAYA 31:2

Mawu pande wuṛṛu masingkattu inolaan-Ne. I Tou mandatan asasilaka wuṛṛu mammansaga makkuumannu taumata lal᷊eo wuṛṛu manga taumata apan mantul᷊ungngi mangitou.

YESAYA 31:3

Taumata Mesir tumbau taumata, wal᷊ine Ruata. Awal᷊on mangitou riaddianna wiasa, wal᷊ine mawu. Napawe Mawu mammanarate, walahanna apan mantul᷊ungnga udde sarun itara wuṛṛu walahanna apan nitul᷊ungnga udde sarun manawo. Ne itarua sarun mate.

YESAYA 40:30

Manga umbasanna maṛṛuala nallome wuṛṛu nal᷊otakka manga dario'a nanawo nal᷊iundu'a.

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

AMOS 8:13

Su allo udde ewe'e lai manga taumata saṛṛen tumuwo apan lal᷊umannangnge lai mapia sarun mawantingnga ana waugu narou.

YESAYA 5:24

I yamiu buatte nanol᷊a'u al᷊aṛṛa'u Mawu Apan Lembontaṛṛino, wuṛṛu mallobbossa parentan Duata susin Israel. Ana waugu udde, naal᷊ihidda laṛṛami wuṛṛu nannal᷊o mamara nasue natutungnga sulal᷊ummu putungnga, aroddi lai manga ṛamunnu sarun mabbal᷊i mawukku'a, manga wunganu maṛṛagassa wuṛṛu masue italla'u anginna.

YESAYA 33:11

Hol᷊agu mangke tawe gunane, wuṛṛu anambon inolaannu tawe gunane lai. Asasa'unu naal᷊ihidda putungnga mannoṛṛobba watangannu sassane.

YESAYA 33:12

I yamiu naal᷊ihidda watun sahatta apan tattutunganna olaanna apukka; ere aputta ṛoaanna apan tuwanganna wuṛṛu itambunna su putungnga.