YESAYA 9:14 - WUKE SUSI WATTI'U AL᷊AL᷊USASSA

¹⁴ Puane eteudde manga matatimmadde wuṛṛu taumata apan a'addatanna, tol᷊ene eteudde manga nabi apan mangngonggollu manga al᷊aṛṛa'a wuṛṛu mangngal᷊iwu.

YESAYA 9:14 Referans Kwoze

SONDAPPA 18:8

Ana waugu ete olangnge udde, ne tumba'u sulal᷊ummu allo massallo i tou sarun maasomba silaka – radda'a, asasusa wuṛṛu al᷊aṛṛutumma. Wuṛṛu i tou sarun tutungannu putungnga, ana waugu Mawu Ruata piate taṛṛino ipakkuungngi tou udde.”

YESAYA 19:15

Su Mesir tawe taumata apan ta'e pia ikkanne, mawae ete tembonanne aroddi lai tumanangnge, mawae ete taumata pia pangkanne aroddi lai taumata lal᷊ebbone ara'e taumata wiasa.

SONDAPPA 18:17

Arawe tumba'u sulal᷊ummu sangka orassa, i tou niawul᷊iantem paa'alane udde!” Anambon apitenna, sumasa'ene, wuṛṛu masanaene, see anambon taumata apan manarane su tahal᷊oangnga, uarisikka wuasu marau.

SONDAPPA 18:10

I mangitou sarun rumarisikka wuassu marau ana waugu i mangitou matta'uttu asasusane. I mangitou nabbisara, “Uare, wal᷊ine hampa silakane soa apan tinumelengke indi – soam Babel apan matohassa! Tumba'u sulal᷊ummu sangkaorassa ṛuumannu suete niapaamatta!”

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

AMOS 6:11

Napawe Mawu mangonggollu parenta, manga wal᷊en wahewalla wuṛṛu maraddio'a sarun hoaṛṛanna.

AMOS 3:12

Naal᷊ihidda sangkatou mallal᷊u'adda winatangnga apan naasangkalla tumba'u sampare ledda ara'e sampoto tal᷊ingan dombane apan buatte niaṛṛattu singa, aroddi lai tumba'u addio'a apan sarun matantangnga wuassu tumana'u Samaria apan orassa indi matema-temangnga mattiilla su lallowanganne apan mapia.”

HOSEA 13:3

Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

HOSEA 10:15

Eteudde apan sarun mariaddi si yamiu, ei tumana'u Betel, ana waugu i yamiu buatte na'ola'a al᷊al᷊eo apan wahewalla. Sutempo matannallo sumabbangnga, tawe mal᷊annu napawe pangalo manattakke, ratunu sarun mate.”

HOSEA 8:8

Naal᷊ihidda urinna apan napesangnga, aroddi lai Israel apan tate gunane, wuṛṛu naola'a walahanna wiasa ere manga walahanna waine.

HOSEA 4:5

Allo ṛabbi i yamiu ma'ola'a pasasal᷊a, aroddi lai manga nabi. Ana waugu udde i Ya'u sarun manginsue Israel, inangngu.

HOSEA 1:9

Mawu nabbisara si ya'u, “Arannu anangngu saggoa'e udde ‘Wal᷊ine Uma-U’, ana waugu taumatan Israel wal᷊ine uma-U, wuṛṛu i Ya'u wal᷊ine Ruatan mangitou.”

HOSEA 1:6

Wua'udde awingku nanungkangken ana'i yami aruanne, sangkatou ana'a wawine. Mawu nabbisara si ya'u, “Hosea, anangngu udde aranne saggoa'e ‘Apan Tawe Nirangnguanna’, ana waugu i Ya'u tate lai mandangngu walahannu Israel, wuṛṛu mangke tate mangampungnga si mangitou.

HOSEA 1:4

Mawu nabbisara si ya'u, “Saggoa'e arannu anangngu udde Yizreel ana waugu tate mal᷊annulai i Ya'u sarun makkuumannu ratun Israel ana waugu pamamate apan niola'i Yehu, al᷊amonane, su Yizreel i Ya'u sarun manguddussu pamamarentan papapulunni Yehu.

YESAYA 30:13

Ana waugu udde i yamiu nassal᷊a. I yamiu naal᷊ihidda tanda'a matanggakka apan nawa'a wua doso naddatingngu wowane; ringannu sangkaṛṛondappa i yamiu sarun maṛṛa'a.

YESAYA 10:17

Ruata apan na'ukkassa, Asasemakku Israel, sarun ma'ola'a ṛenggammu putungnga sulal᷊ummu allo massallo manutungnga abbi al᷊awo'a, sara lai ahuranganna ṛoaanna.

YEREMIA 6:21

I ya'u sarun ma'ola'a manga taumata indi itara wuṛṛu mawal᷊atta. Iamangnge wuṛṛu ana'a, hawe wuṛṛu al᷊indonganna sarangkanambone sarun mawinasa.”

YEREMIA 8:12

Ei uma-U, ṛinone i yamiu masili ana waugu buatte na'la'a sarangkanambone apan dal᷊eo udde! Arawe wambalang kamiu maappalla wuṛṛu tawe masili. Ana waugu udde i yamiu sarun manawo ere taumata waine apan nanawote; nasuete hattone napawe i Ya'u makkuumanni yamiu.

LAL᷊ALLU 4:16

Mawu tate lai mannaungnga uman-Ne; i Tou sassane apan nanal᷊iawukki mangitou wuṛṛu na'ola'a manga imam tate lai iaregga; manga piaṛṛangnge tateddu umakkanna.