YESAYA 9:13 - WUKE SUSI WATTI'U AL᷊AL᷊USASSA

¹³ Ana waugu udde tumba'u sulal᷊ummu allo massallo Mawu nakkuumannu manga piaṛṛa'u Israel wuṛṛu tumanangnge. I Tou namonggo'a wuṛṛu nandammen pua wuṛṛu tol᷊ene.

YESAYA 9:13 Referans Kwoze

HOSEA 7:10

Awawungan taumatan Israel aasiloanna ringanu matualaga wuṛṛu maola'a tialan pasasal᷊an mangitou. Salaiwe sarangkanambone udde buatte natipussa, i mangitou tawe lai maddea'a si Ya'u, ara'e mabbelengnga ringang-Ku, Mawu Ruatan mangitou.

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

HOSEA 7:16

I mangitou mangke sidutu uatantalongnga manga monganna apan atonna-tonna tawe uatahuanna taṛṛino saran kaddio'a. I mangitou tate ipangasakka naal᷊ihidda darangeanna apan nilumonto'a. Manga piaṛṛa'i mangitou mabbisara ringannu mawunga, ana waugu udde i mangitou sarun pateannu hal᷊ele, wuṛṛu ilallange manga taumatan Mesir.”

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

YEREMIA 29:11

Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

YESAYA 57:17

Rosan awawal᷊iu mangitou naasa'u si Ya'u, ana waugu udde i mangitou Ta'u niṛṛuumanna wuṛṛu Ta'u nitantangnga. Arawe i mangitou maattikka puane wuṛṛu sidutu mammile lal᷊anne sassane.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

AYUB 36:13

Taumata apan tawe mawune uasahipunna asasa'u; salaiwe iṛṛuumannu Mawu, i mangitou maddiri maddorongnga sasumbala.

2 TAWARIKH 28:22

Sulal᷊ummu tempo apan masuṛṛippita udde, i Ahas ewe'e lai aatambanna rosane su saruannu Mawu.

TAHIUL᷊E 4:29

Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

YEREMIA 15:7

Suapan soa su wanua indi i yamiu sarun Ta'u iramme ere wal᷊a'a. Salaiwe i yamiu uma-U arawe i Ya'u mamate si yamiu wuṛṛu al᷊aṛṛanangngu ana waugu i yamiu maddiri mamal᷊u ola'u pabbiaṛṛannu.

YEHEZKIEL 22:24

“Ei taumata apan mattate, wal᷊oa'a su taumatan Israel manungku leta'i mangitou narosate, wuṛṛu ana waugu udde i Ya'u nasa'u wuṛṛu makkuumanne.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

AMOS 4:6

Ete i Ya'u apan mandantan al᷊aṛṛutumma su anambon soanu, arawe i yamiu maddiri mabbelengnga ringang-Ku.

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

ZEFANYA 1:6

I Ya'u sarun mamate si mangitou apan tawe nirumanta ringang-Ku ara'e maddorongnga aehe-U wuṛṛu apan buatte nanantang-Ku wuṛṛu maddirite lai tumantalongnga si Ya'u.”

YESAYA 7:20

Mawu sarun manewa ratun Asyur tadea'u ma'ola'a Israel naal᷊ihidda sangkatou taṛṛa pol᷊o apan mallunggukka anambon uta'a wuṛṛu waṛṛabbissu awa'a.

YESAYA 19:15

Su Mesir tawe taumata apan ta'e pia ikkanne, mawae ete tembonanne aroddi lai tumanangnge, mawae ete taumata pia pangkanne aroddi lai taumata lal᷊ebbone ara'e taumata wiasa.