YESAYA 8:20 - WUKE SUSI WATTI'U AL᷊AL᷊USASSA

²⁰ Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

YESAYA 8:20 Referans Kwoze

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

ROMA 1:22

I mangitou mammendamma manungku i mangitou pandete, wutte'e i mangitou woddo.

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

MIKHA 3:6

“Ei nabi, temponi maraniten masue; matannallonu maraniten umattuppa. I yamiu tate lai maasomba sondappa apan mammasingkattu ṛiing-Ku. I yamiu tate lai maasi'attu manga apa.”

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

YESAYA 8:16

I yamiu, mallal᷊aṛṛenggengku ṛinone manahipunna wuṛṛu mappadul᷊i manga tanata apan nionggollu Ruata si ya'u.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

DARALO 119:130

Napawe ital᷊a'a, al᷊aṛṛang-Ngu mangngonggolu asasemakka, mangonggolu pasasunna su taumata wiasa.

2 PETRUS 1:9

Arawe taumata apan tawe pallal᷊agu ereudde, ṛingiranne maautta; i tou tawe maasilo wuṛṛu i tou naabul᷊i manungku manga rosane apan nal᷊iu suete niwaresi.

MATIUS 22:29

Mawu Yesus sinumimbakka, “I yamiu nial᷊iwune, ana waugu i yamiu tawe maasunna Wuke Susi, wuṛṛu taṛṛinon Ruata.

MATIUS 6:23

Arawe amungkangngu matanu mal᷊abukka, ahewallu wadangngu marandumma lai. Nariaddi amungkangngu sol᷊o sulal᷊ummu wadangnga udde marandumma, lembo nabbasa lai ararandumma udde!”

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

YESAYA 1:10

Yerusalem, manga piaṛṛangnge wuṛṛu walahannu naola'a ere taumatan Sodom wuṛṛu Gomora. Paddaringikke apa apan niwisara Mawu si'o, panutukke apa apan niaṛṛa'u Ruata si ite.

LUKAS 10:26

Mawu Yesus sinumimbakka, “Apa udde uawoṛṛetta su Wuke Susi? Ereapa su ṛingiṛṛannu matataṛṛino su olangnge udde?”

DARALO 78:5

Su walahannu Israel i Tou nangonggolu tita-Ne, wuṛṛu su papapulunni Yakub parenta-Ne. I Tou nandolokku iupungu al᷊amonan kite manantiro su manga ana'i mangitou,

YESAYA 8:22

ara'e mangngintanno, i mangitou tawe maasilo manga apa tumba'u asasuṛṛipitta wuṛṛu ararandumma se'e lai asasul᷊aubba apan mangngaitta. I mangitou sarun iramme sutampa apan marandumma udde.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

EZRA 10:3

Wette i ite massalu su Ruata, manungku i ite sarun mallimbuakka anambon wawine udde suaddio'a ringannu manga anangnge. I yami sarun tumuṛṛutta al᷊awo'u tatantironu see tatantiron manga taumata waine apan mangngaddatta parentan Duata. I yami sarun tumuṛṛutta Titan Duata.

MARKUS 10:3

Mawu Yesus sinumimbakka, “I Musa nangagillu parenta apa si yamiu?”