YESAYA 8:19 - WUKE SUSI WATTI'U AL᷊AL᷊USASSA

¹⁹ Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

YESAYA 8:19 Referans Kwoze

1 TAWARIKH 10:13

I Saul nate ana waugu i tou tawe naddaringikka Mawu, wuṛṛu tawe tumuṛṛutta manga parenta-Ne. I tou tawe maddorongnga tatantiro wuassu Mawu ewe'e wuassu manga ghaṛṛahon taumata nate. Ana waugu udde Mawu nakkuumanni tou wuṛṛu nanantillu araratuane si Daud ana'i Isai.

IMAMATTA 20:6

Taumata apan inai maddorongnga tatantiro su tonaassa apan pia paaukka ringannu ṛimuuddu taumata nate sarun Ta'u iṛṛuumanna wuṛṛu tate lai mareengnga al᷊aṛṛana-U.

2 TAWARIKH 33:6

Al᷊aṛṛanangnge niolangnge sasamba itattambunna su Wawal᷊annu Hinom. I tou lai naola'a taṛṛa pasangkadda, manani'atta, wal᷊iimmata, wuṛṛu maddorongnga tatantiro su manga ghaṛṛaho. I tou tumaniten narosa su lantakku hatin Mawu na'oman sara naasa'u Mawu.

DARALO 106:28

Wua'udde su Peor i mangitou massubba si Baal, wuṛṛu niumanna sasamba apan ionggola su manga monganna.

IMAMATTA 19:31

Imbaṛṛangnga i yamiu maddorongnga tatantiro su tonaassa apan pia paa'ukke ringannu manga niawan taumata nate. Amungkangngu i yamiu ma'ola'a udde i yamiu mabbal᷊i ma'arantinna. Ete i Ya'u Ruatanu.

YESAYA 29:4

Yerusalem naal᷊ihidda setanna apan maddea'a mapararingikku tingikke wuassu lal᷊ummu leta'a, tingikka apan masi'ome wuassu lal᷊ummu awu.

YESAYA 19:3

I Ya'u sarun mamal᷊aatta manga hol᷊agu taumatan Mesir wuṛṛu mamaddi ikkatti mangitou. I mangitou sarun maiontolla su manga paal᷊uanna, maddorongnga tataggu wuṛṛu tatantiro su manga tonaassa wuṛṛu manga ghaṛṛaho.

1 SAMUEL 28:8

Ana see i Saul namal᷊ute hati tadea'u tawe aillal᷊annu taumata. Ringannu tatantalongannu ruan katou esakka, i tou inaite wuṛṛu na'omate su wal᷊en mangangundamma udde ṛabbite. Ne unni Saul, “Waggoite ṛimuuddu taumata apan ta'u isaggo aranne, wuṛṛu dorongete tadea'u i tou mani'attu apa apan sarun mariaddi.”

TAHIUL᷊E 18:11

apanden wal᷊iimmata, ara'e uahahatto manga ṛimuuddu taumata nate.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

2 MARARATU 21:6

I tou nangonggolu anangnge maola'a sambau sasamba itattambuna. I Manasye lai ma'annamu pasangkada, mammani'atta, wal᷊iimata, wuṛṛu madorongnga tatantiro wuassu manga ghaṛṛaho. I tou tumaniten narosa su lantakku hatin Mawu na'oman sara Mawu nasa'u.

2 MARARATU 1:3

Arawe mala'ekattu Mawu nandolokki Elia, nabi wuassu Tisbe, inai maisasomban manga daroloṛanni Ratu Ahasia iapawisara, “Apa su Israel tawe Ruata, na'oman sara i yamiu inai maddorongnga tatantiro si Baal-Zebub, mongannu soa Ekron udde?

2 MARARATU 23:24

Su mappaamattu manga tita apan uawoṛṛetta sulal᷊ummu wuke apan niasombanganni Imam Bahewa Hilkia su Wal᷊en Mawu, sarangkanambone apan taṛṛa waggo ṛimuudda wuṛṛu taṛṛa si'atta nilimbuaṛṛani Ratu Yosia wuassu Yerusalem wuṛṛu wuassu ahewallu leta'u Yehuda, ana see i tou nandamonen anambon mongannu amonanna, paal᷊uanna, wuṛṛu manga saranapa apan ipappaatta ipassubba manga monganna.

1 SAMUEL 28:16

Ana see i Samuel nabbisara, “Apa hunane ya'u niwagoannu see Mawu buatte nanantangngu wuṛṛu naola'a seennu?

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

1 SAMUEL 28:11

Wawine udde naiwal᷊o, “Ṛimuuddi sai apan ta'u waggoanna iaparanta si Tuangnga?” I Saul sinumimbakka, “Ṛimuuddi Samuel.”

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

WATTI'U MANGA RASUL 16:16

Su sambau allo tantal᷊anna i yami u'al᷊iomanna, i yami nassomban sangkatou wawine; i tou allangnga. Wawine udde aintaṛṛoannu ghaṛṛaho lal᷊eo apan wotongnge mani'attu arariadianna apan sarun dumanta. Ringannu manni'attu inolaannu taumata, wawine udde mangngonggolu auntunganna apan bahewa su mawune.

PANDARIADDI 41:24

Raen gandumma apan maṛṛasa udde nangallupa rae apan pia loṛṛone tanginna. Buatte ta'u niwatti'a wal᷊iawa'u darua udde su manga taṛṛa pani'atta, arawe tawe saran sangkatou wotongnge maatal᷊a'an atapasanne.”

YESAYA 26:14

I mangitou natete wuṛṛu tate mabbiakka apia, ṛimuudde tate mabbangunna apia. Ana waugu i mangitou nasuete Nipate-Nu wuṛṛu nipappassu Mawu wuassu naungnga.

YESAYA 30:2

I mangitou inaite watukku Mesir ringannu tawe naddorongnga laṛṛawe-U. I mangitou mattilindumma su Mesir wuṛṛu mangngantimma aontolla wuassu ratu Mesir.

YESAYA 45:11

Mawu, Ruata na'ukkassu Israel nabbisara, “Pa'iwal᷊ote si Ya'u su ola'u tempo addantane. Arawe arie maiwal᷊o ola'u manga ana-U, ara'e mandolo-U ma'ola'a manga apa.

YESAYA 47:12

Panidutute al᷊awo'u daroanu wuṛṛu wali'imatanu, apan mamma katta si'o ro'en i'o ta'e addio'a. Isai masingkatta udde pia gunane si'o, tadea'u ipamata'utta manga seennu.

YESAYA 47:13

I'o masahadda ana waugu tumanite manambo tatantiro. Doloṛṛa'e manga manani'atta iapasal᷊amatta si'o; i mangitou apan buatte nanaṛṛassidda al᷊awo'u pappi'uannu langitta wuṛṛu nassi'ol᷊a manga anumpitanna, wuṛṛu suapan bul᷊anna wakku manni'attu apa apan sarun maola'a pal᷊addu pabbiaṛṛannu.

YEREMIA 27:9

Imbaṛṛangnga maddaringikka manga nabi ara'e isai-isai lai apan maningaddi yamiu massuṛṛubbawa su ratu Babel, salaiwe i mangitou manga'u buatte nanarimmattu tatantiro wuassu wal᷊iawa, manga ghaṛṛaho al᷊ussa, ara'e ringannu mappaattu wal᷊i'in mata.

MIKHA 5:12

I Ya'u sarun makkimunsa'a manga paal᷊uannu wuṛṛu manga sassubbannu; i yamiu tate lai massubba manga saranapa inolannu limanu sassane.

TAHIUL᷊E 18:10

Suwallati yamiu imbaṛṛangnga piaddu mangonggolu manga anangnge maola'a sasamba itattambunna. Wuṛṛu ariewe lai pia sangkatou apan maola'a taṛṛa si'atta, maddea'a manga tatiala, mappaattu daroa ara'e

1 SAMUEL 28:7

Ana waugu udde i Saul nabbisara su manga mammamanarane, “Paddea'e sangkatou mangangundamma wawine taṛṛa waggo ṛimuudda, ya'u sarun inai ringanni tou maddorongnga tatantiro.” I mangitou sinumimbakka, “Su En-Dor pia mangangundamma ereudde.”