YESAYA 8:13 - WUKE SUSI WATTI'U AL᷊AL᷊USASSA

¹³ Naungete manungku i Ya'u, Mawu Apan Lembontaṛṛino uddewe susi. Tumba'u i Ya'u apan ṛinone iaata'unnu.

YESAYA 8:13 Referans Kwoze

LUKAS 12:5

Mappianne Ta'u ita'e si yamiu apan ṛinone iaata'utti yamiu. Ata'utten Ruata! Ana waugu napawe suete namate, i Tou uataṛṛino lai mandammenu sulal᷊ummu naraka! Pangimante, tumba'u i Tou iaata'utti yamiu.

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

DARALO 76:7

Anambon awal᷊o wuṛṛu sumasa'ene nanawo nate ṛatangannu asasa'u-Nu, oh Ruatan Yakub!

MALEAKHI 2:5

Sulal᷊ummu paaire udde i Ya'u naddiandi si mangitou pabbiaṛṛanna apan matammudda wuṛṛu mal᷊angnganna, wuṛṛu i mangitou Ta'u nirolokka mangaddatta si Ya'u wuṛṛu matta'u-U.

YESAYA 29:23

Ana waugu napawe i yamiu naasilo manga anangngu apan Ta'u nionggolla si'o, ne i yamiu sarun manga'u manungku ete i Ya'u Ruata na'ukkassu Israel. I yamiu sarun mangaddatta si Ya'u wuṛṛu mata'u-U.

PANDARIADDI 31:53

Ruata apan sassubbanni Abraham wuṛṛu sassubannu iamangku i Nahor sarun maola'a mallaṛṛuungnga su wallati yaddua.” Ana see i Yakub nassalu ringannu arannu Ruata apan sassubanni Ishak, iamangnge, tadea'u masuungnga pa'airene.

ROMA 4:20

I tou sidutu mangngimanna wuṛṛu tawe mappapadua su paairen Duata. Ewe'e naatohassa lai pangangimanni tou, na'oman sara sidutu i tou mangke maddalo Ruata.

REENGANNA 27:14

ana waugu su wadda'u Zin iraddua buatte nilumawangnga parenta-U. Napawe su Meriba anambon tumanangnge sussamboṛṛe si Ya'u, i yamiu maddiri mapal᷊iatta'u taṛṛino-U su saruanni mangitou su ola'u ua'e udde.” (Arariadianna indi nariaddi su al᷊imatan kua'e Meriba su Kades, su wadda'u Zin).

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

SASABANGNGA 20:20

I Musa sinumimbakka, “Arie pa'ata'utta. Ruata dirumanta tumba'u manal᷊u'atta si yamiu tadea'u i yamiu sidutu matuṛṛutta, wuṛṛu tawe ma'ola'a rosa.”

TAHIUL᷊E 14:23

Su saruannu Mawu Ruatanu, su tampa apan nipile maola'a tampa patataṛṛamawuanna, i yamiu ṛinone umanna sasamba sepere mapul᷊o wuassu gandumma, ua'e anggore, lanan zaitun see lai ana'u sapi wuṛṛu ambinga dombanu apan paarorone niasungkanga. Ola'e olangnge udde, tadea'u saran mal᷊annu-l᷊annu i yamiu masingkatta mangaddata Mawu Ruatanu.

YESAYA 5:16

Arawe Mawu Apan Lembontaṛṛino namasilon awawantu-Ge ringannu ma'ola'a manara apan atonna. I Tou sarun mamasilon asasusi-Ne ringannu makkuungngu walahanna.

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.

IMAMATTA 22:32

Imbaṛṛangnga mandal᷊eo arang-Ku apan susi. Ahewallu walahannu Israel ṛinone massubba si Ya'u Apan Lembon Susi. Ete i Ya'u Mawu wuṛṛu i Ya'u na'ola'a si yamiu susi.

1 SAMUEL 11:7

Ringannu lembon nasa'u nanganu darua sapi ana see niṛṛata wuṛṛu nitattaddi tou nabbal᷊i manambo abbuwune. Wua'udde manga abbuwune udde niwuatta su ahewallu leta'u Israel ringannu parenta arendi, “Isai maddiri inai mapapangalo tumantalongnga si Saul wuṛṛu si Samuel, manga sapine sarun abbuwuanna arendi lai!” Walahannu Israel nata'utta su sarangakanambone apan a'olaannu Mawu, ne anambon taumata, tawe lallingnge, uasaddiate inai mapapangalo suadio'a.