YESAYA 8:11 - WUKE SUSI WATTI'U AL᷊AL᷊USASSA

¹¹ I ya'u nitaṛṛinoannu Mawu wuṛṛu nionggol᷊annu tatagu tadea'u tawe mallaṛṛenggenna lal᷊anna apan amatannu walahanna udde. Wisara-Ne,

YESAYA 8:11 Referans Kwoze

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

WATTI'U MANGA RASUL 4:20

Ana waugu i yami tawe maaillol᷊o mabbisara su ola'u apa apan suete niasiloanni yami wuṛṛu niaringiṛṛanni yami sassane.”

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

YEREMIA 20:7

Mawu, I'o nassal᷊o'u ne i ya'u niasal᷊o'a. I'o mattohasanna wuassia'u wuṛṛu buatte namaddo'u. I ya'u aal᷊uandahannu manga taumata, haggeloanna wuassu marua'allo naddatingngu wawallo.

YEREMIA 15:19

Mawu sinumimbakka, “Amungkangngu i'o mabbelengnga, i Ya'u sarun manarimmannu. I'o sarun maola'a allang-Ku apia. Amungkangngu i'o mabbatti'u manga inolaanna apan mahuna wuṛṛu wal᷊ine awusu, ne i'o wotongnge maola'a nabi-U apia. Manga taumata sarun dumanta apia ringannu, wuṛṛu i'o tate inai ringanni mangitou.

AMSAL 1:15

Arie pallaṛṛenggenna manga taumata ereudde, ana'u! Pangindauten mangitou.

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

1 MARARATU 18:46

Orassa udde i Elia naasomba atatohassa wuassu Mawu. I tou nangal᷊aissa jubane ire'e wuṛṛu niwa'issa su lawassa ana see tinumal᷊angnga nalliuṛṛoro si Ahab su al᷊o'engngu lal᷊anna naddatingngu ngaran passalangannu soan Yizreel.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.