YESAYA 7:23 - WUKE SUSI WATTI'U AL᷊AL᷊USASSA

²³ Sutempo udde manga wawail᷊annu anggore apan sambau-sambau nisuanannu saṛṛiwu su punnene wuṛṛu aregane saṛṛiwu lai roitta sal᷊a'a, sarun tuwoannu aputta ṛoaanna.

YESAYA 7:23 Referans Kwoze

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

MATIUS 21:33

“Daringiṛṛe sasumandingnga sambau indi lai,” unnu Mawu Yesus. “Sangkatou tatahuannu leta'a nassuanna su sambau waillu anggore. I tou na'ola'a paggala pinamal᷊iwutta, wuṛṛu na'al᷊i, loṛṛangnga pangadoannu pamamakannu anggore, wua'udde niapararisikke wal᷊em pandariaganna. Wua'udde i tou napasewatem baillu anggore udde su mamamanarane, see i tou nangingkatte su wanua waine.

IBRANI 6:8

Arawe amungkangu leta'a udde tatuwoannu manga akke wuṛṛu sasuanna ṛoaanna, ne leta'a udde tawe gunane wuṛṛu sarun bontohannu Ruata wuṛṛu panginsueanne tutunganna ma'oman sara masue.

YEREMIA 4:26

Leta'a masuwukka nabbal᷊i wadda'a mamara, manga soa narusa nallambe tuidde, ana waugu Mawu mangke massa'u su uman-Ne. (

YESAYA 5:10

Hessin bawail᷊anna tawe maola'a, waillu anggore apan ahewalle mapul᷊o hektare tumba'u nangonggollu wuane mapul᷊o litere anggore. Maṛṛasutta su literene wualanna tumba'u nangonggollu wuane mapul᷊o litere gandumma.”

YESAYA 7:24

Taumata apan inai poiaroddi ṛinone mangapiddu al᷊atianna wuṛṛu anaanna, waugu ahewallu wanua udde napenen aputta ṛoaanna.

YESAYA 32:10

Orassa indi i yamiu wotongnge maapendamma mal᷊angnganna, arawe iraṛṛangngo santonna lai i yamiu sarun sumassilla, ana waugu hessin anggore sarun tawe mabbua, wuṛṛu hessin sinuananna lai tawe.

YEHEZKIEL 12:20

Manga soa apan orassa indi napenen tumanangnge sarun ṛimunsaanna wuṛṛu manga wawail᷊anna sarun mabbal᷊i wadda. Ne i mangitou maasingkatte manungku ete i Ya'u Mawu.”

HOSEA 2:12

I Ya'u sarun mapaate manga punnu anggore wuṛṛu manga alu ara apan tumuṛṛutti tou uddewe lal᷊antakku pangangimbene su manga arangnguanne. Sarun Ta'u wal᷊uanna manga waillu anggore wuṛṛu manga waillu ara mabbal᷊i mahurangnge; manga winatangnga mal᷊aṛṛaga sarun manggohakka.

HOSEA 9:6

Amungkangngu asasilaka na'omate, wuṛṛu i yamiu niapidda su wanua waine, ne apan matantangnga suwallatti yamiu sarun iammullu manga taumatan Mesir tadea'u pateanna wuṛṛu ilabbingnga su Memfis! Nannal᷊o wuṛṛu rongnga sarun tumuwo manaappa manga tampa lanna'u wal᷊enu wuṛṛu manga saranapanu wuassu sal᷊a'a apan maarega.

PANDARIADDI 3:18

Raduutta wuṛṛu ṛoa'a sarun maola'a hessin leta'a si'o, wuṛṛu manga sinuananna lul᷊u sarun maola'a pabbawiakku.