YESAYA 7:20 - WUKE SUSI WATTI'U AL᷊AL᷊USASSA

²⁰ Mawu sarun manewa ratun Asyur tadea'u ma'ola'a Israel naal᷊ihidda sangkatou taṛṛa pol᷊o apan mallunggukka anambon uta'a wuṛṛu waṛṛabbissu awa'a.

YESAYA 7:20 Referans Kwoze

YESAYA 8:7

Ana waugu udde i Ya'u, Mawu, sarun maparantan ratun Asyur wuṛṛu anambon tantarane mapapangalo Yehuda. I mangitou sarun lumempangnga ere Sal᷊ukku Efrat apan mattaṛṛatompe'a wuṛṛu mangngelekka su manga rampinne.

YEHEZKIEL 29:18

“Ei taumata apan mattate, i Ratu Nebukadnezar wuassu Babel tantal᷊anna mammangalo Tirus. I tou nandolokku manga tantarane mamasanna manga winabbawa aroddi awakkanne, na'oman sara pua mangitou nabbal᷊i lunggukka wuṛṛu wambangngi mangitou nangkalisi, arawe mawae ratu aroddi lai tantarane tawe naasomba hessine wuassu inasaharanne udde.

YESAYA 10:15

Arawe Mawu nabbisara, “Wotongngewe wal᷊iungnga maddalo watanganne wuassu taumata mapapaanne? Apa laṛṛahari maggunanne wuassu taumata apan mappaanne? Wal᷊inewe pal᷊o-pal᷊o mammengketta taumata, ewe'e ete taumata apan mammengketta pal᷊o-pal᷊o.”

YEHEZKIEL 29:20

Leta'u Mesir Ta'u ionggolla si tou maola'a lal᷊antakku manga inasaharanne, ana waugu tantarane buatte nammanara huna-U. I Ya'u, Mawu Apan Atanggaṛṛanne buatte nabbisara.

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

YEREMIA 2:18

Apa untungnge i'o mabbatukku Mesir? Inai ma'inumma ua'en Sal᷊ukku Nil? Apa untungnge i'o mabbatukku Asyur? Inai ma'inumma ua'en Sal᷊ukku Efrat?

YESAYA 9:13

Ana waugu udde tumba'u sulal᷊ummu allo massallo Mawu nakkuumannu manga piaṛṛa'u Israel wuṛṛu tumanangnge. I Tou namonggo'a wuṛṛu nandammen pua wuṛṛu tol᷊ene.

YESAYA 36:1

Su tonna mapul᷊o appatta su pamamarentan Hizkia ratun Yehuda, manga soan Yehuda apan pia tandange watu nipangaloanna wuṛṛu niwaddon Sanherib, ratun Asyur.