YESAYA 7:14 - WUKE SUSI WATTI'U AL᷊AL᷊USASSA

¹⁴ Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

YESAYA 7:14 Referans Kwoze

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

LUKAS 1:31

I'o sarun pia illoṛṛo wuṛṛu mangunsiwen sangkatou ana'a apan sarun isagonu aranne i Yesus.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

LUKAS 1:35

Mala'ekatta udde sinumimbakka, “Ghaṛṛahon Ruata sarun rumanta si'o, wuṛṛu taṛṛinon Ruata sarun mangintaṛṛo si'o. Ana waugu udde ana'a apan sarun iunsiwenu udde sarun isago Naukkassa, Ana'u Ruata.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

YESAYA 8:8

I mangitou sarun mangelekka su Yehuda ere manawangnga atanggakke sara ullekka manggal᷊amon kal᷊awo'a.” Ruata uarundinganna si ite! Papaid-De apan uasiappakka uatillumma wanuan kite.

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

YESAYA 8:10

Panngol᷊age, arawe sarangkanambone tawe maola'a. Pakkawesse, arawe tawe gunane, ana waugu Ruata uaṛundinganna si yami.

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

ROMA 9:5

Ete i mangitou udde papapulunna wuassu iupungngu al᷊amonan kite. Kristus su olangnge ere sangkatou taumata wuassu walahanni mangitou. I Tou lembon atanggaṛṛanne wuassu sarangkanambone. Paddalote Ruata sarangkal᷊o'engnge! Amin.

1 SAMUEL 1:20

Wawine udde piate illoṛṛo wuṛṛu nanungkangu sangkatou ana'a esakka. Ana udde nisaggo Samuel, wisarane, “Buatte ta'u niroronganna su Mawu.”

1 SAMUEL 4:21

Ana'a udde aranne nisaggo Ikabod, atappasanne, “Darantan Duata Apan Mawantuga nawul᷊ite wuassu Israel,” – pandumanne eteudde manungku Wantallu Pa'aire buatte niaṛṛon seetta wuṛṛu la'iananne see lai awingnge natete. Ana waugu udde i tou nabbisara, “Darantan Duata Apan Mawantuga nawul᷊ite wuassu Israel, ana waugu Wantallu Paairen Duata buatte niaṛṛon seetta.”

PANDARIADDI 30:8

Unni Rahel, “I ya'u buatte nattinsahadda atonna nandoappa iaangku, wuṛṛu i ya'u naauntungnga,” ana waugu udde ana'a udde nissagoten tou i Naftali.

PANDARIADDI 29:32

I Lea piate illoṛṛo ana see nanungkangu sangkatou ana'a esakka. Wisarane, “Mawu buatte na'ellega asasusa'u, wuṛṛu orassa indi awingku sarung mandangngu si ya'u.” Ana see ana'a udde nissagote i Ruben.

PANDARIADDI 30:6

I Rahel nabbisara, “Ruata buatte nakkuungnga ana waugu hausangku. I Tou naddaringikka aal᷊iomangku wuṛṛu i Tou nagonggolu sangkatou ana'a esakka si ya'u.” Ana see ana'a udde nissagoten tou i Dan.

PANDARIADDI 4:25

I Adam wuṛṛu awingnge naasomba sangkatou ana'a esakka apia. Unni Hawa, “Ruata buatte nangonggollu ana'a esakka si ya'u maola'a hahantin Habel, apan buatte nipaten Kain.” Ana waugu udde i Hawa nanagon ana'a udde i Set.

PANDARIADDI 16:11

Tate mal᷊annu lai i'o sarun mangunsiwen ana'a esakka; saggoa'e i tou i Ismael, ana waugu Mawu buatte nadaringikka lal᷊uainu.

LUKAS 2:12

Ete indi tatialane: I yamiu sarun maaratingnga sangkatou ana'a aoosannu laṛṛeme, niapaatiilla su tampan aananannu winatangnga.”

YESAYA 38:7

I Yesaya sinumimbakka, “Eteindi tialane apan nionggollu Mawu si Tuangnga manungku i Tou manipussa paaire-Ne.

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

YEREMIA 44:29

I Ya'u sarun mandantan asasilaka si yamiu su tampa indi tadea'u ipaniala si yamiu manungku ṛuumanna apan Ta'u nihol᷊aga atonna-tonna mariaddi.

MAL᷊AṚṚUUNGNGA 6:36

Ana see i Gideon nabbisara su Ruata, “Mawu, I'o buatte namasingkatta i ya'u sarun ipa'an-Nu mamallossu walahannu Israel.

1 MARARATU 13:3

Wua'udde unnu nabi udde apia, “Mezbah indi sarun maṛṛa'a wuṛṛu awu apan uarandangnga sarun mabboso. Eteudde tatialane manungku i ya'u nirolokku Mawu.”

DARALO 46:8

Mawu Apan Lembontaṛṛino ual᷊u'adda si ite, Ruatan Yakub uapadul᷊i si ite.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

LUKAS 20:44

Nariaddi amungkangngu i Daud mannagon Ratum Punnu Sal᷊amatta udde ‘Mawu’, ereapa wotongnge i Tou papapulunni Daud?”