YESAYA 7:13 - WUKE SUSI WATTI'U AL᷊AL᷊USASSA

¹³ Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

YESAYA 7:13 Referans Kwoze

YESAYA 43:24

I'o tawe namalli dupa mawangngi huna-Ku, tawe napaal᷊ai-U ringannu tawa sasamba nipotonnu. Ewe'e i'o mawal᷊i'a nangonggollu winabbawa si Ya'u ringannu manga rosanu, napaasusa-U ringannu manga pasasal᷊anu.

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

YEHEZKIEL 34:18

Suwallatti yamiu piaddu tawe mawusa tumba'u mangnginsue nannal᷊o apan apianne, arawe mangke maṛṛinda nannal᷊o apan tawe annananni mangitou! I mangitou ma'inumma ua'e apan matilangnga ana see nallabukka ua'e apan tawe inumanni mangitou!

YEHEZKIEL 16:47

Nawusatewe i'o uatantuṛṛutta ual᷊aṛṛeggenna lempangngi mangitou wuṛṛu mangaṛṛussa pallal᷊agu mangitou apan ma'arantinna udde? Taambe! Tate mal᷊annu lai i'o ewe'e a'atambannu al᷊al᷊eone wuassi mangitou.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

YESAYA 7:2

Napawe ratun Yehuda naaringikka manungku tantaran Siria sinumuttate su wageangngu Israel narambauten Israel, i tou wuṛṛu pabbawalage mangke matta'utta, na'oman sara i mangitou mangngiladda naal᷊ihidda punnu alu apan ia'io'u anginna.

IBRANI 3:10

Ana waugu udde i Ya'u nasa'u si mangitou wuṛṛu i Ya'u nabbisara, ‘I mangitou sidutu maddiri tumuṛṛutta wuṛṛu tawe tumuṛṛutta manga parenta-U.’

AMOS 3:13

Mawu Apan Lembontaṛṛino wuṛṛu Atanggaṛṛanne nabbisara, “Panutukke orassa indi, wuṛṛu tagguete papapulunni Yakub.

YEHEZKIEL 16:20

Wua'udde i'o nangonggollu al᷊aṛṛana'i ite, esakka wuṛṛu wawine, maola'a sasamba su manga paal᷊uanna. Taambe lai natimu manungku i'o tawe satia si Ya'u?

YEREMIA 6:11

Asasa'u-Nu si mangitou lai lukkenggamma sulal᷊ummu waddangku, Mawu! Tawe iaṛṛaddanna.” Wua'udde Mawu nabbisara, “Sopa'e asasa'unu udde su al᷊aṛṛana'a su manga lal᷊anna wahewalla wuṛṛu su manga taumata umbasanna maṛṛuala apan tantal᷊anna uaammulla. Esakka wuṛṛu wawine sarun sametanna, wuṛṛu ingana'a timmadde lai tawe mal᷊iudda.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

2 TAWARIKH 21:7

arawe Mawu maddiri mamate ratu papapulunni Daud ana waugu I tou buatte na'ire manungku papapulunni Daud sarun uatatana'a uaparenta.

REENGANNA 16:13

Taambe nawusa lai i'o nangapiddi yami sinumabbangnga wuassu leta'u Mesir apan masuwukka udde tadea'u mamate si yami su wadda'a indi? Rinonewe i'o mamarenta si yami lai?

REENGANNA 16:9

Apa i yamiu maṛṛingidda manungku indi hatto addio'a manungku Ruatan Israel namile si yamiu wuassu manga taumatan Israel tadea'u i yamiu wotongnge mangundanin Tou, wuṛṛu mammanara su Rasan-Ne, see lai mammanara hunan taumatan Israel wuṛṛu mangimbe si mangitou?

PANDARIADDI 30:15

I Lea sinumimbakka, “Taambe lai nawusa i'o nanganu awingku? Orassa indi ewe'e i'o lai ma'annamma manganu undamma apan niasangkal᷊annu ana'u.” Unni Rahel, “Amungkangngu i'o ma'apulu mangonggollu sasuanna undammu anangngu udde si ya'u, i'o wotongnge matiilla ringanni Yakub ṛabbi indi.”

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

LUKAS 1:69

I Tou nangonggolla si ite mananal᷊amatta matohassa, papapulunni Daud, allang-Nge.

DARALO 45:5

Amata'e, ringannu awawaṛṛani mattuddan auntunganna manahekku apapia wuṛṛu atatul᷊idda apan masaṛṛionto'a; ringannu atatohannu aṛṛote auntunganna apan wahewalla!

YESAYA 7:12

Ahas sinumimbakka, “I ya'u maddiri maddorongnga tatiala. I ya'u maddiri mamono'a Mawu.”

YESAYA 22:22

I tou sarun mamarenta su al᷊ungngu ratu pallaṛṛiten Daud. I tou sarun mangagassa aunsin araratuanna. Amungkangngu i tou mamu'essa, taweddu mapakkuudda, wuṛṛu amungkangngu i tou makkuudda, taweddu mapamu'essa.

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.