YESAYA 7:1 - WUKE SUSI WATTI'U AL᷊AL᷊USASSA

¹ Ratu Ahas eteudde ana'i Yotam pulunni Uzia. Sutempo i tou uaparenta Yehuda, napesangke pangalo. Rezin ratun Siria, wuṛṛu i Pekah ana'i Remalya ratun Israel, nirumanta namangalo Yerusalem. Arawe i mangitou tawe naawaddon soa udde.

YESAYA 7:1 Referans Kwoze

2 MARARATU 16:1

Su tonna pitun pul᷊o sutempo i Ratu Pekah ana'i Remalya uaparenta su Israel, i Ahas ana'i Yotam naola'a ratun Yehuda.

YESAYA 8:6

wisara-Ne, “Walahanna indi nanol᷊a'u ua'e apan matilangnga wuassu ana'u Sal᷊ukku Syiloah, wuṛṛu mal᷊uassa ringanni Ratu Rezim wuṛṛu i Ratu Pekah.

YESAYA 1:1

Wuke indi lal᷊oṛṛoannu manga tanata su ola'u Yehuda wuṛṛu Yerusalem apan niapal᷊iatta'u Ruata si Yesaya ana'i Amos sutempo i Uzia, i Yotam, i Ahas wuṛṛu i Hizkia namarenta su Yehuda.

2 MARARATU 15:25

Sangkatou suwallatu manga tembonannu tantarane, eteudde i Pekah ana'i Remalya, naammulu siri 50 su atoune wuassu Gilead. Ana see sulal᷊ummu sambau tanda'a watu su wal᷊en araratuannu Samaria i mangitou namate si Pekahya wuṛṛu ruan katou waine aranne Argob wuṛṛu i Arye. Wua'udde i Pekah naola'e ratu nallol᷊ossa si Pekahya.

2 MARARATU 15:27

Su tonna alimam pul᷊o duane sutempo i Ratu Uzia uaparenta su Yehuda, i Pekah ana'i Remalya naola'a ratun Israel. I tou namarenta su Samaria 20 su tonnane al᷊annune.

2 MARARATU 16:5

Sutempo udde ratun Edom nangagasse apia soan Elat wuṛṛu nallimbuakka manga taumatan Yehuda apan uatana'a isudde. Taumatan Edom wua'udde nirumanta wuṛṛu namanua su soa udde na'oman sara allo indi. Sutempo udde lai i Rezin ratun Siria wuṛṛu i Pekah ratun Israel namangalo wuṛṛu nalliwunna Yerusalem, arawe tawe naawaddon Ahas.

YESAYA 9:11

Walahannu Siria su samba'an ra'i wuṛṛu walahannu Filistin su samba'an waṛṛatta nangaṛṛo Israel. Arawe Mawu ta'e massa'u wuṛṛu sidutu makkuumanna.

YEHEZKIEL 27:16

Manga mabbawal᷊u'a wuassu wanuan Siria namalli manga saranapa wal᷊u'annu wuṛṛu auntungannu manambo atonna. I mangitou mammaekka ringannu permata wuassu watu zamrud, mal᷊aṛṛenessa maṛṛamu ungu, mal᷊aṛṛenessa pia sujine, linen al᷊ussa, permata wuassu watu koral wuṛṛu watu maṛṛamu delima.

HOSEA 1:1

Eteindi tanata apan nionggollu Mawu si Hosea ana'i Beeri sutempo araratuannu Yehuda nallal᷊isansunna paparentanni Ratu Uzia, Yotam, Ahas, see Hizkia, wuṛṛu araratuannu Israel paparentanni Yerobeam ana'i Yoas.

MIKHA 1:1

Mikha darantane wuassu sambau soa addio'a arane Moresyet. Sutempo wanua Yehuda paparentannu ual᷊al᷊isansunna eteudde Ratu Yotam, Ahas wuṛṛu Hizkia. Mikha nenengkamma tanatan Mawu su ola'u Samaria wuṛṛu Yerusalem.