YESAYA 66:7 - WUKE SUSI WATTI'U AL᷊AL᷊USASSA

⁷ Soa susi-U ere sangkatou inangnga apan mangngunsiwe tantal᷊anna taambe naapendamma taddu'a; apan nanungkangngu ana'a esakka tantal᷊anna taambe namendamma taddu'a ṛumana'a.

YESAYA 66:7 Referans Kwoze

YESAYA 54:1

Yerusalem, dorone i'o naal᷊ihidda wawine tinna apan tawe wotongnge manungkangnga. Arawe orassa indi paggiote, wuṛṛu pangantarite ringannu lulluassa! Ana waugu manga anangngu marasai nilumebbe wuassu ana'a wawine apan tawe nitantangngu awingnge.

GALATIA 4:26

Arawe Yerusalem apan su surga eteudde Yerusalem wal᷊ine allangnga, wuṛṛu eteudde inangngi ite.

YOHANES 16:21

Amungkangngu sangkatou wawine maraniten mangunsiwe, i tou massusa, ana waugu temponete i tou matataṛṛangnga. Arawe aroddi anangnge niasungkangnga, wawine udde naabul᷊iten asasusane ana waugu lulluassa manungku sangkatou ana'a niasungkangke su runia.

YESAYA 37:3

Eteindi tanatan Hizkia apan niwal᷊on mangitou si Yesaya, “Allo indi allon lullal᷊o; i ite niṛṛuumanna wuṛṛu nial᷊uandahanna. I ite naal᷊ihidda wawine apan mangunsiwete, arawe niasueannu ikkatta.