YESAYA 66:24 - WUKE SUSI WATTI'U AL᷊AL᷊USASSA

²⁴ Sutempo umamatte, i mangitou sarun maasilo winal᷊unannu manga taumata apan buatte nilumawangnga si Ya'u. Ul᷊idda apan u'inassa winal᷊unanni mangitou sarun tawe mate, wuṛṛu putungnga apan mannoṛṛobba si mangitou tawe mappadumma; sambau inolaanna aellehanna apan maata'utta su anambon taumata.”

YESAYA 66:24 Referans Kwoze

YESAYA 14:11

Dorone i'o wabbantuhannu musikku kecapi, arawe orassa indi i'o su tampaten araratuannu runian taumata nate. Manga ul᷊idda maola'a lallowangannu wuṛṛu oa'a maola'a tatimbuṛṛunnu!’

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

ZAKARIA 14:12

Mawu sarun mandantan al᷊aṛṛusa'itta apan maata'utta su anambon balahanna apan buatte napapangalo nando'appa Yerusalem. Mata wuṛṛu lila mangitou, ewe'e lai ahewallu watanganni mangitou sarun mawukku'a tantal᷊anna i mangitou ta'e wiakka.

YESAYA 66:16

Ana waugu anambon taumata apan niasangkal᷊anna nassal᷊a sarun iṛṛuuman-Ne ringannu putungnga wuṛṛu hal᷊ele, wuṛṛu manambote apan niṛṛuumanna pateanna.

YESAYA 34:10

Allo ṛabbi ṛenggamma udde tawe mappaddumma, wuṛṛu timbulla sussal᷊oi wuassi tou saran mal᷊annu-l᷊annu. Leta'a udde sarun itantangnga tawe loṛṛone wuṛṛu maṛṛasa sara maṛṛana'a mappulunna, wuṛṛu tawe saran sangkatou sarun umamatta isudde.

YESAYA 65:15

Manga taumata nipile-U sarun mappaattu arannu maola'a wawontoga; ‘Antimanna Mawu Apan Atanggaṛṛanne mamate si yamiu ere lai si mangitou!’ Arawe taumata apan matuṛṛutta si Ya'u sarun Ta'u onggol᷊annu aranna wakku.

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

DARALO 110:6

I Tou sarun makkuumannu manga walahanna, na'oman sara manga winal᷊unanna uatal᷊eṛonga. I Tou sarun mamate manga tembonanne su ahewallu runia.

YESAYA 1:28

Arawe manga taumata marosa apan lullawangnga Mawu sarun patean-Ne, wuṛṛu sarangkanambone apan nanantangngu Mawu sarun iapawinasa.

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YESAYA 24:20

Al᷊imatan dunia lullengge naal᷊ihidda taumata wu'anna, wuṛṛu niumio'a naal᷊ihidda sambengessa nitiuppu anginna al᷊isusu. Runia naṛṛa'a ana waugu mawakkatta rosane. I tou naṛṛimunsa'a wuṛṛu tate maapabbuatta apia.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 34:3

Manga winal᷊unanni mangitou sarun tawe ilabbinga, arawe iwalate aroddi mawukku'a wuṛṛu mahal᷊uru. Manga wowone sarun masa'u ana waugu nielleṛṛannu daṛṛa mangitou.

YESAYA 51:8

I mangitou sarun mate wuṛṛu mawul᷊i, naal᷊ihidda laubba niannu wa'u'a wuṛṛu mal᷊aṛṛenessa wambul᷊un domba niannu wa'u'a. Arawe asasal᷊amatta apan Ta'u nionggolla sidutu sarangkal᷊o'enge, auntungang-Ku uata'a sara maṛṛana'a mappulunna.”

YESAYA 48:22

Tawe asasal᷊amatta su taumata lal᷊eo,” etearoddi wisara Mawu.