YESAYA 66:23 - WUKE SUSI WATTI'U AL᷊AL᷊USASSA

²³ Suapan Bul᷊anna wakku wuṛṛu suapan allon Sabat anambon umattu taumata sarun dumanta massubba si Ya'u su Yerusalem.

YESAYA 66:23 Referans Kwoze

YEHEZKIEL 46:1

Mawu Apan Atanggaṛṛanne nabbisara, “Ngara pasallangannu ra'i apan mabbatukku rallakku lal᷊umme ṛinone sidutu uaṛṛuuda al᷊annune annummu allo mammanara. Sasuttanna udde tumba'u wotongnge wu'anna su allon Sabat wuṛṛu Ramean Bulanna Wakku.

ZAKARIA 14:16

Wua'udde anambon taumata apan ta'e wiakka suwallattu manga walahanna apan namangalo Yerusalem, sarun inai watukku soa udde massubba Ratu, Mawu Apan Lembontarṛṛino, wuṛṛu tadea'u maddamean Andeangngu Rasannu Rongnga.

YEHEZKIEL 46:6

Su Ramean Bul᷊anna Wakku aonggolla udde ṛinone eteudde sambau sapi esakka, annumma ana'u domba, sarangkanambone tawe sangkulle.

DARALO 86:9

Anambon walahanna apan niolang-Ngu sarun rumanta, oh Mawu, tadea'u massubba Si'o wuṛṛu maddalo awawantu-Gu.

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

YOHANES 4:23

Arawe tempone sarun dumanta, nirumantate, manungku ringannu taṛṛino Ghaṛṛahon Ruata manga taumata saru massubba Iamangnga maola'a Ruatane apan atonna ere lai ipa'apulun Iamangnga.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

ZAKARIA 14:14

Manga esakka su Yehuda sarun mapapangalo manahekku Yerusalem. Maola'a ere saranapa niaaṛṛo i mangitou sarun manganu anambon darotongngu manga walahanna su al᷊indonganne ere inai wul᷊awanna, sal᷊a'a wuṛṛu laubba mangke ua'ombo.

DARALO 65:2

Ṛinone i yami maddalo Si'o su Sion, oh Ruata, wuṛṛu manipussa paairen kami Si'o.

2 MARARATU 4:23

“Anio inaite orassa indi?” awinge naiwal᷊o. “Allo indi wal᷊ine allon Sabat, wuṛṛu lai wal᷊ine allo wahewan Bul᷊anna Wakku.” “Tawe apane,” sasimbakke.

YESAYA 19:21

Mawu sarun mapal᷊iatta'u watangan-Ne su walahannu Mesir, wuṛṛu i mangitou sarun maaillal᷊a wuṛṛu massubba si Tou, lapiddu mangapiddu aonggolla wuṛṛu sasamba si Tou. I mangitou sarun maddiandin Tou ringannu sasalu wuṛṛu mappaamattu riandi udde.

YESAYA 19:23

Sutempo udde sarun pia dal᷊anna wahewalla suwallattu Mesir wuṛṛu Asyur. Tumana'u wanua darua udde sarun mapul᷊e inai umamattu lal᷊anna udde wuṛṛu i mangitou sarun mattaṛṛamawu suadio'a.

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YEHEZKIEL 45:17

Ete i tou apan ṛinone mamalli winatangnga maola'a sasamba itattambunna wuṛṛu manga saranapa olaanna sasamba gandumma wuṛṛu sasamba anggore su anambon balahannu Israel su allo-allo wahewalla, Ramean Bul᷊anna Wakku, manga allon Sabat wuṛṛu manga allo wahewalla waine. I tou ṛinone manaddia sasamba aampungnga rosa, sasamba gandumma, sasamba itattambunna, wuṛṛu sasamban paddarame ipaddorongnga aampungnga su walahannu Israel.”

DARALO 22:28

Anambon walahanna sarun mannaunga Si'o Mawu wuṛṛu mabelenga ringan-Nu, al᷊awo'u ṛuangannu walahanna sarun umal᷊intudda massubba si Tou.

DARALO 65:3

Ana waugu ete I'o naddaringikka aal᷊iomanna; anambon taumata nirumanta ringan-Nu ana waugu narosate.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

ZAKARIA 14:18

Wuṛṛu amungkangngu taumatan Mesir maddiri mallaghu ramean Andeangngu Rasannu Rongnga, ne i mangitou lai sarun aṛṛiaannu radda'a apan niaprentan Mawu su anambon balahanna apan maddiri inai mattaṛṛamawu.

ZAKARIA 14:19

Eteude ruumanna su Mesir wuṛṛu su anambon balahanna apan maddiri mallaghu ramean Andeangngu Rasannu Rongnga.