YESAYA 66:19 - WUKE SUSI WATTI'U AL᷊AL᷊USASSA

¹⁹ I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

YESAYA 66:19 Referans Kwoze

YESAYA 52:15

Arawe orassa indi manambo walahanna apan niolangnge tinumiangnga, manga ratu nimoune tinangngone. I mangitou sarun maasilo wuṛṛu maasunna, apan dorone awagananni mangitou.”

ROMA 15:21

Sulal᷊ummu Wuke Susi uawoṛṛetta, “Manga taumata apan taambe naaringikka watti'a su ola'i Tou, sarun maasilo; wuṛṛu i mangitou apan taambe naaringikka, sarun maasunna.”

YEHEZKIEL 27:10

Manga tantara wuassu Persia, Lidia wuṛṛu Libia sinumutta tantaranu. I mangitou mangngelen allungnga wuṛṛu araposa waja mangitou su manga darandungngu soanu. I mangitou buatte nassumbala mamaddo manga seetta wuṛṛu nanamba atatelengngu.

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

YESAYA 62:10

Tumana'u Yerusalem, sabbangke amattu ngaran soa, saddiate lal᷊anna su manga taumata apan mapul᷊e. Ola'e lal᷊anna mal᷊oangnga, rammea'e watune, pasia'e manga waneṛṛa tadea'u manga araratuanna masingkatta.

1 TAWARIKH 16:24

Wattia'e awawantu-Ge su manga walahanna, wuṛṛu manga manara-Ne apan matohassa su walahannu taumata.

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

YEHEZKIEL 30:5

Sulal᷊ummu pangalo udde sarun iapate lai manga tantara nissewanna wuassu Sudan, Lidia, Libia, Arab, Kub wuṛṛu lai wuassu walahang-Ku sassane.”

YEHEZKIEL 27:13

I'o mabbal᷊u'a watukku Yunani, su Tubal, wuṛṛu su Mesekh, wuṛṛu naola'a wawaekke i'o nanengkamma wuassi mangitou manga allangnga wuṛṛu manga saranapa wuassu witu'a.

YESAYA 65:1

Mawu nabbisara, “Ya'u nasaddiate sumimbakka uma-U, arawe i mangitou tawe umal᷊iomanna si Ya'u. Ya'u uasaddia paisasombanni mangitou, arawe i mangitou tawe maddea'a si Ya'u. Walahanna udde maddiri mamaggo si Ya'u, salaiwe i Ya'u nasaddiate sumimbakka: i Ya'u indite!

YESAYA 42:4

ringannu tawe singgawange ara'e awul᷊iannu antimma, ma'oman sara atatul᷊idda ipasi'a su runia. Manga wanua apan marau lukkintul᷊un al᷊aṛṛangne.”

YESAYA 18:3

Ei, i yamiu sarangkanambone apan uatana'a su runia! Pa'ellege amungkangngu manga waneṛṛa iruitte su puiddu manga wowone! Paddaringikke napawe trompetta tiupanna!

PANDARIADDI 10:2

Al᷊aṛṛana'i Yafet eteudde i Gomer, i Magog, i Madai, i Yawan, i Tubal, i Mesekh wuṛṛu i Tiras.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

YEHEZKIEL 39:1

Mawu Apan Atanggaṛṛanne nabbisara, “Ei taumata apan mattate, wansaha'e i Gog, ratu mawantuga wuassu manga wanua Mesekh wuṛṛu Tubal, wuṛṛu wal᷊oa'e si tou manungku i Ya'u indi seenne.

YESAYA 51:5

Asasal᷊amatta apan Ta'u ionggolla maranite; tempon auntungang-Ku maranite ma'oma. I Ya'u sassane sarun mamarenta manga walahanna. Manga wanua apan marau mangke uaraṛṛaddo si Ya'u wuṛṛu uaantimma inolaang-Ku apan matohassa.

YESAYA 49:22

Mawu Apan Atanggaṛṛane nabbisara uman-Ne, “i Ya'u sarun mangonggollu tiala su manga walahanna wuṛṛu i mangitou sarun mapaapul᷊e manga anangngu; manga anangngu esakka sarun bawananna, wuṛṛu manga anangngu wawine sarun pasannananna su wambangnga.

YESAYA 49:12

Wuassu marau uma-U pasi rantate, wuassu sawannakka, waṛṛatta wuṛṛu Sinim su timukka.”

YESAYA 49:1

Paddaringikke si ya'u, ei manga wanua apan marau panutukke manga wisara'u. Mawu namaggo si ya'u tantal᷊anna i ya'u taambe niasungkanga, i Tou namile si ya'u ro'en ta'e sulal᷊ummu illoṛṛo.

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YESAYA 29:24

Taumata woddo sarun mangurumma tadea'u maasunna wuṛṛu taumata apan sidutu sussawutulla sarun mal᷊uassa aṛṛaanna.”

YESAYA 18:7

Sarun a'omanna tempone manga sasamba iapasingkatta su Mawu Apan Lembontaṛṛino wuassu wanua udde apan sasabbiannu manga sal᷊ukka, wuassu pabbawalage apan matohassa waṛṛani, wuassu manga taumatane apan mal᷊angkassa wuṛṛu pisine al᷊ussa wuṛṛu ia'ata'utta su ahewallu runia. I mangitou sarun dumanta su Wuiddu Sion, watukku tampa Mawu Apan Lembontaṛṛino sassubbanna.

YESAYA 2:16

Manga apalla apan ahewal᷊anne wuṛṛu aṛṛansanganne sarun iapal᷊akkubba.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

1 TAWARIKH 1:11

Papapulunni Mesir eteudde taumatan Lidia, Anamim, Lehabim, Naftuhim,

1 TAWARIKH 1:7

Papapulunni Yawan eteudde taumatan Elisa, Spanyol, Siprus wuṛṛu Rodes.

PANDARIADDI 10:13

Pappapulunni Mesir eteudde tumana'u Lidia, Anamim, Lehabim, Naftuhim,

PANDARIADDI 10:4

Papapulunni Yawan eteudde tumana'u Elisa, Spanyol, Siprus wuṛṛu Rodes.

PANDARIADDI 9:27

Antimanna Ruata mangonggollu al᷊amatta si Yafet ringannu manggewalla tampa atatanaanne. Antimanna pappulunne mamanua suadio'a ringannu papapulunni i Sem. I Kanaan sarun maola'a allangngi Yafet.”

PANDARIADDI 10:22

Al᷊aṛṛana'i Sem eteudde i Elam, i Asyur, i Arpakhsad, i Lud wuṛṛu i Aram.

YESAYA 11:12

Mawu sarun manduittu sambau waneṛṛa su walahanna udde. Udde tatialane i Tou nangammullu apia walahannu Israel wuṛṛu Yehuda apan nassal᷊iawukka su ahewallu runia wuṛṛu nangapiddi mangitou mapul᷊e.

YESAYA 42:12

Mappianne i mangitou mamantuga Mawu, wuṛṛu mamasingkatti Tou su manga wanua marau.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YEREMIA 46:9

Pattalumpe, ei awal᷊o! Aal᷊orete, ei kereta! Inaite, ei tumannaṛṛanne pangapiddu allungnga wuassu Sudan wuṛṛu Libia. I yamiu lai, ei manga mamamiti'a apianne wuassu wanua Lidia.’ ”

YEHEZKIEL 32:26

Mesekh wuṛṛu Tubal isudde lai, papal᷊iwutannu holangu manga tantara mangitou. Ringannu tawe nisunatta, i mangitou sarangkanambone nate sulal᷊ummu pangalo. Sutempo wiakka, i mangitou mammata'utta su runia.

YEHEZKIEL 39:6

I Ya'u sarun mandatan soṛṛobba su leta'u Magog wuṛṛu su manga apanne, suapa tumanangnge mabbiakka ringannu matammuda. Ne i mangitou sarangkanambone masingkatte manungku ete i Ya'u Mawu.

DANIEL 11:18

Napawe wua'udde i tou sarun mamangalo manga walahanna su apannu tahal᷊oangnga, wuṛṛu manambo apan niawaddone. Arawe sangkatou piaṛṛa'u wanua waine sarun mapaaddon lal᷊obbossa apan niolangnge udde, ewe'e lai sarun mabbal᷊issa lal᷊obbossa udde si tou.

ZEFANYA 3:10

Ewe'e lai wuassu Sudan apan marau, uma-U apan nassal᷊iawukka udde sarun dumanta wuṛṛu mangongollu sasamba si Ya'u.