YESAYA 66:14 - WUKE SUSI WATTI'U AL᷊AL᷊USASSA

¹⁴ Naasilo udde, i yamiu sarun lumuassa, wuṛṛu mabbal᷊i matohassa wuṛṛu sehatta ere nannal᷊o wakku. Ne manga allang-Ku sarun ma'apendamma taṛṛino-U wuṛṛu manga see-U sarun ma'apendamma asasa'u-U.”

YESAYA 66:14 Referans Kwoze

ZAKARIA 10:7

Umattu Israel naal᷊ihidda atumannaṛṛane apan matohassa, naal᷊ihidda taumata apan na'inumma anggore, i mangitou lulluassa. Papapulunni mangitou wuassu tempo maddatingngu tempo sarun tawe maabul᷊in auntunganna indi apan Ta'u nionggolla. I mangitou sarun lumala'a ana waugu inolaang-Ku si mangitou.

EZRA 8:31

Su allo mapul᷊o dua wul᷊anna paarorone i yami nanantangngu Sal᷊ukku Ahawa wuṛṛu inaite watukku Yerusalem. Sulal᷊ummu amatanna udde i yami lal᷊u'arannu Ruatan kami wuassu pangalo wuṛṛu aampangngu seetta.

EZRA 8:22

I ya'u maddiri maddorongnga tantaran awal᷊o su ratu tadea'u iapariagga si yami wuassu pangalon seetta sulal᷊ummu amatanna. Ana waugu i ya'u buatte nabbisara si tou, manungku Ruatan kami mangngal᷊amatta suapan taumata apan mattaṛṛamawu si Tou wuṛṛu maddantinnu see makkuumannu suapan taumata apan tawe satia si Tou.

AMSAL 17:22

Naungnga apan lulluassa maapia waddangnga; naungnga apan massusa maal᷊eo ikkatta.

AMSAL 3:8

Inolaannu udde sarun maola'a ere undamma si'o apan maapia waddangngu wuṛṛu mallimbakku lal᷊ummu naungngu.

IBRANI 10:27

Tumba'u sambau apan piate si ite eteudde sumaruanna pamamarikisannu Ruata ringannu putungngu asasa'une apan sarun manutungnga ma'oman sara masue manga taumata apan lullawangnga si Tou!

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

YESAYA 10:5

Mawu nabbisara, “Nasilakate Asyur! Asyur Ta'u ipaatta maola'a sambokka wuṛṛu pal᷊o-pal᷊o ipamuulla manga taumata apan niaṛṛinoannu asasa'u-U.

EZRA 8:18

Ana waugu apapian naungngu Ruata, i mangitou nangirimma si yami Serebya, sangkatou Lewi apan pande wuassu wawosoanni Mahli. Suaddio'a lai ringanni tou nirumanta al᷊aṛṛana'a wuṛṛu manga tuṛṛangnge, anambone 18 su atoune.

YESAYA 13:5

I mangitou nirumanta wuassu manga wanua marau su pentakku runia. Sulal᷊ummu asasa'u-Ne Mawu nappaatti mangitou ipamate ahewallu runia.

YESAYA 26:20

Suttate sulal᷊ummu wal᷊enu, ei pabbawala'u, ana see ṛuura'e ngara. Pa'imbunite tantal᷊angkadio'a ma'oman sara asasa'u Mawu muddussa.

YESAYA 30:27

Taṛṛino wuṛṛu awawantugu Mawu aasiloanna ro'en ta'e mara'u. Putungnga wuṛṛu timbulla mapal᷊iatta'u assasa'u-Ne. I Tou uahahatto mangitou, wuṛṛu manga wisara-Ne mannoṛṛobba ere putungnga.

YESAYA 33:20

Pa'ellege soan Sion, tampan kite mallaghu manga andeangngu agama. Pa'ellege Yerusalem! Al᷊angngannawe eteapa tampa udde atanaanna, naal᷊ihidda rasanna apan tawe saran paassa niingkatta, pati'anna tawe saran paassa nisawutta wuṛṛu tal᷊ine tawe saran paassa nabbassutta.

YESAYA 34:2

Mawu massa'u su anambon walahanna wuṛṛu al᷊awo'u tantaran mangitou. I Tou sarun makkuumanna wuṛṛu makkadda'a si mangitou.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 41:20

Ne anambon taumata sarun maasilo wuṛṛu maasingkatta manungku i Ya'u, Mawu, apan na'ola'a udde. I mangitou sarun manutukka wuṛṛu maasunna, Ruata na'ukkassu Israel na'ola'a udde nariaddi.”

YESAYA 42:13

Mawu inaite mapapangalo naal᷊ihidda sangkatou waṛṛanine, naal᷊ihidda sangkatou tantara apan apulune mapapangalo. I Tou nanggoressan aintul᷊in pangalo, wuṛṛu namasil᷊o awawaṛṛani-Ne su saruannu seetta.

DARALO 107:42

Taumata matul᷊idda naasilo wuṛṛu lulluassa, arawe taumata lal᷊eo nimmoune.

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.