YESAYA 66:11 - WUKE SUSI WATTI'U AL᷊AL᷊USASSA

¹¹ I yamiu sarun maatemma pa'aalane, naal᷊ihidda sangkatou ana'a sussusu inangnge.

YESAYA 66:11 Referans Kwoze

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

YESAYA 60:5

Naasilo udde i'o tinumiangnga wuṛṛu hatinu nasemakka; i'o naherangnga wuṛṛu nahewalla naungnga. Darotongngu manga walahanna niapidda ringannu, pa'aala wuassu samba'an tahal᷊oangnga niombo si'o.

DARALO 36:8

Tumaniten maarega darangngu-Nu, oh Ruata, taumata uasirungnga sulal᷊ummu al᷊ungngu papaiddu Mawu.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 60:1

Pabbuatte wuṛṛu ariaddite asasemakka ei Yerusalem, ana waugu semakku asasal᷊amannu nirumantate; Ruata mannemakka si'o ringannu awawantu-Ge.

YESAYA 60:2

Runia nioossu ararandumma, manga walahanna tataapannu ṛabbi wasa; arawe asasemakku Mawu sarun dumanta si'o, semakku daranta-Ne nilumiatta'a si'o.

YESAYA 62:2

Ei Yerusalem, manga walahanna naasilote auntungannu, manga ratu ua'ellegga awawantugu. I'o sarun isaggo ringannu aranna wakku, Mawu sassane apan mangonggollu aranna udde.