YESAYA 66:1 - WUKE SUSI WATTI'U AL᷊AL᷊USASSA

¹ Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

YESAYA 66:1 Referans Kwoze

WATTI'U MANGA RASUL 17:24

Ruata apan nandiaddi runia indi wuṛṛu al᷊awo'u lal᷊oṛṛone, ete i Tou Ruatan su langitta wuṛṛu runia. I Tou tawe uatana'a su manga wal᷊em paal᷊uanna apan niola'u taumata.

1 MARARATU 8:27

Arawe oh Ruata, mappuluwe I'o matana'a su runia indi? Langitta sarangkanambone lai tawe tumaniten mal᷊alangnga Si'o, nangillembote wal᷊en patataṛṛamawuanna apan ta'u niola'a indi!

DARALO 132:7

Wette i ite inaite su tampa tatanaannu Mawu, wuṛṛu massubba si Tou su saruannu aianan-Ne.

DARALO 11:4

Mawu su Wal᷊en-Ne apan susi, aianan-Ne su surga. I Tou ma'ellega umattu taumata wuṛṛu maasingkatta al᷊awo'u inolaanni mangitou.

2 TAWARIKH 6:18

Arawe, oh Ruata, atonnawe I'o mal᷊uassa matana'a su runia indi suwallattu taumata? Ahewallu langitta lai tawe matiudda Si'o, nangillembote wal᷊en patataṛṛamawuanna apan ta'u niola'a indi!

1 TAWARIKH 28:2

I Daud dirumarisikka su saruanni mangitou wuṛṛu nabbisara, “Manga tuṛṛangku sambalahanna, paddaringikke! Mal᷊annute i ya'u pia pandumma mapararisikku sambau wal᷊en apan matohassa panahipunanna Wantallu Pa'aire, dararisirannu leddan Mawu Ruatan kite. I ya'u buatte nanaddia aolangnge ipandarisikku sambau wal᷊en apan passubbanna si Tou.

DARALO 99:9

Pangaddate Mawu Ruatan kite, wuṛṛu passubbate si Tou su wuiddu Mawu apan susi, ana waugu na'ukkasse Mawu Ruatan kite.

MATIUS 24:2

Mawu Yesus nabbisara si mangitou, “Apa i yamiu maasilo sarangkanambone udde? Asingkate, tawedu saran sambau watu wuassu manga wal᷊e udde sarun matana'a uaatokka su tampane. Sarangkanambone sarun iapaahohakka.”

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MATIUS 12:6

Naunge apa apan iwabbisara-U indi: isindi pia nangillembo ahewal᷊anne wuassu Wal᷊e Mawu.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

2 TAWARIKH 2:5

I ya'u maapulu tadea'u Wal᷊en Mawu apan sarun ta'u iapararisikka udde maola'a sambau wal᷊en apan mawantuga, ana waugu Ruatan kami mabbantuhanna wuassu al᷊awo'u mawu waine.

YESAYA 60:13

Al᷊al᷊uassu mahurangngu Libanon sarun ṛuwoanna ringannu alu berangan, cemara wuṛṛu eru ipa'ola'a Wal᷊e-U apan maṛṛansanga, wuṛṛu ipalloggakka tampa i Ya'u uarisikka.