Biblia Todo Logo
Bib sou entènèt

- Piblisite -




YESAYA 65:7 - WUKE SUSI WATTI'U AL᷊AL᷊USASSA

7 ana waugu rosa mangitou wuṛṛu rosa al᷊amona mangitou. I mangitou mallobbossa si Ya'u ringannu mannambunnu amania huna manga monganna su tampa pasasubbanna su wuidda. I Ya'u buatte nabbal᷊issa si mangitou uasul᷊ungngu inolaanni mangitou su allo nanangkal᷊iu.”

Gade chapit la Kopi




YESAYA 65:7
39 Referans Kwoze  

I yamiu inaite watukku manga puiddu wowone wuṛṛu mangonggollu sasamba wuṛṛu mapaawusa apulu naungngu runianu.


Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.


Uddewe ola'u pabbiaṛṛannu apan buatte Ta'u nitantunna ana waugu i yamiu naabul᷊i-U, wuṛṛu nangimante su manga mawu awusu.


Ewe'e i mangitou lai mammal᷊aatta si yami mabatti'a su manga walahanna wal᷊ine Yahudi watti'a apan wotongnge maasal᷊amatta manga walahanna udde. Ringannu aroddi manga taumatan Yahudi udde siddutu mannamba rosan mangitou na'oman sara reenganne masuungnga. Wuṛṛu orassa indi i mangitou panginsueanne niarantannu asasa'un Duata!


Manga ratun kami, manga piaṛṛa'a wuṛṛu iupungngu al᷊amonan kami buatte na'ola'a inolaanna apan maasili wuṛṛu narosate su saruan-Nu, oh Mawu.


I tou sarun tawe massubba paal᷊uannu taumatan Israel ara'e umanna sasamba su manga tampa passubbanna manga monganna. I tou tawe saran paassa mamono'a awingngu taumata waine ara'e matiilla suadio'a ringannu wawine apan tantal᷊anna a'amatannu radda'u wawine.


Arawe, i Ya'u, Mawu, sarun makkuumanni mangitou ana waugu sarangkanambone udde; i Ya'u sarun mabbal᷊issa manga inolaannu walahanna indi.


Apa tawe suṛṛinone i Ya'u makkuumannu walahanna ereudde wuṛṛu mabbal᷊issa anambon inolaanni mangitou?


Ṛuumanni mangitou uawoṛṛette su saruang-Ku. Atonna, i Ya'u tawe matatana'a mal᷊annabba. I Ya'u buatte nabbal᷊issa al᷊al᷊eo mangitou


Mawu Apan Atanggaṛṛanne wuṛṛu Lembontaṛṛino napal᷊iatta'u watangan-Ne wuṛṛu nabbisara, “Atonna, al᷊al᷊eo mangitou udde tawe Ta'u ampunganna maddatingngu i mangitou mate. I Ya'u, Mawu, buatte nabbisara.”


I Ahas nangonggolu sassamba wuṛṛu nanambunnu amania su manga tampa pasasubbanna monganna su manga wowone su al᷊ungu manga aaluanna apan masindumunna rongngane.


Arawe tumba'u sangkule, manga tampa passubanna monganna tawe nihohakka na'oman sara tumanange sidutu mangangapiddu sasamba wuṛṛu mannambunnu amania isudde. Ete i Yotam apan napararisikku Ngara Pasallanganna su samba'an sawannaku Wal᷊en Mawu.


i tou lai tawe nanggohakku manga manga tampa pasasubbanna monganna, na'oman sara tumanange sidutu mangngonggolu sasamba wuṛṛu mannutunga amania poiaroddi.


Tumba'u ma'asassilla, i tou tawe nanggohakku tampan pasasubbanna monganna, na'oman sara tumanange ta'e mangngonggolu sasamba wuṛṛu mannutunga amania isudde.


Nangaṛṛussa si Asa, iamangnge, Yosafat ma'ola'a apa apan mapia su aellegu Mawu. I tou napaawul᷊i wuassu araratuanne anambon sumasandaga esakka wuṛṛu wawine apan mammanara su manga tampa pasasubbanna paal᷊uanna apan ta'e pia lambene wuassu tempon Asa, iamangnge. Arawe manga tampa pasasubbanna udde sassane tawe nihohakke. Tumana'a ta'e sidutu mangngonggollu sasamba wuṛṛu amania poiaroddi. I Yosafat na'ola'a manga apallu Tarsis inai mangal᷊appa wul᷊awanne wuassu Ofir, arawe manga apalla udde tawe nariaddi nassenggotta ana waugu nahohakka su Ezion-Geber. Ratu Ahazia wuassu Israel naddorongnga lal᷊oṛṛon apalle massenggotta suaddio'a ringannu lal᷊oṛṛon apalli Yosafat, arawe i Yosafat nanola'a salaiwe i tou pia pa'a'aukka mapia ringannu ratun Israel. Wua'udde i Yosafat natete wuṛṛu nilabbinga su labbingu manga ratu su soan Daud. I Yoram anangnge naola'a ratu nallol᷊ossa si tou. Watti'a waine su ola'i Yosafat, su ola'u awawaṛṛanine wuṛṛu manga papangalone niwoṛṛetta sulal᷊ummu wuke Watti'u Mararatun Yehuda. Sutempo udde wanua Edom tawe uatahuanna ratu. Apan uaparenta poiaroddi tumba'u sangkatou bupati.


Lumawangnga ere manga iamangngu! I yamiu atonna ammul᷊annu manga taumata marosa apan ma'ola'a asasa'un Mawu nangillembo su walahannu Israel!


Sambageanganna addio'a wuassi yamiu apan ta'e wiakka su wanuan seennu sarun masusa ana waugu rosan sassane wuṛṛu rosan al᷊amonanu.


Pangonggolla su taumata waine, tadea'u Ruata lai mangonggolla si yamiu; i yamiu sarun manengkamma aonggolla nangillembo apan suete niuukka masada-sadatta maola'a wageangngu. Ana waugu auuṛṛanna apan ipanguukki yamiu su taumata waine sarun ipanguukku Ruata lai si yamiu.”


Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.


Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”


Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.


Mawu sarun sumossokka wuassu atatanaan-Ne su surga makkuumannu tumana'u runia ana waugu rosan mangitou. Pamamate apan a'olaanni mangitou apan iwabbuni sarun matualaga. Leta'a tate lai manaappa manga taumata apan nate nipate.


Mawu sarun dumarisikka ere su Wowone Perazim. I Tou sarun mamangalo ere su Wawal᷊annu Gibeon huna mapaamattu panduman-Ne, pandumanna apan maatiangnga taumata! I Tou sarun ma'ola'a manara-Ne apan maaherangnga.


Ana waugu udde i mangitou sarun Ta'u paṛṛindu'anna ringannu puul᷊anna masokka-sokka. Taumata pande sarun mabbal᷊i woddo, wuṛṛu anambon apapande mangitou udde tawe gunane.”


Ana waugu udde i yamiu nassal᷊a. I yamiu naal᷊ihidda tanda'a matanggakka apan nawa'a wua doso naddatingngu wowane; ringannu sangkaṛṛondappa i yamiu sarun maṛṛa'a.


I yamiu sarun maṛṛimunsa'a ere urinna leta'a apan napesangnga nattal᷊eṛṛonga, na'oman sara suwallattu pesangnge tateddu wotongnge ipaatta ipanganu waṛṛa wuassu sunggilla ara'e ipangabba ua'e wuassu tampane.”


Arawe i Ya'u mamasingkatta si'o; pangangagamanu udde awusu, wuṛṛu anambon inolaannu udde tawe gunane si'o.


I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.


Ana waugu udde i Ya'u ma'ola'a walate apulu-U wuṛṛu mangema'a si mangitou manga asasilaka apan iaata'utti mangitou. Anawe sutempo i Ya'u mammaggo, taweddu sumimbakka; sutempo i Ya'u mabbisara, taweddu maddaringikka. I mangitou apulune lullawangnga si Ya'u i Ya'u sarun ma'ola'a al᷊al᷊eoanne.”


I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”


I Ya'u sarun makkuumanni tou ana waugu manga allo apan nipaanne ipannambunnu amania si Baal, see nandiahi ringannu lal᷊ogakke tadea'u ipangenggenna manga arangnguanne, ana see i Ya'u mangke niabual᷊iananna atonna. I Ya'u, Mawu, buatte nabbisara.”


Arawe lembon Ta'u wabbagoang ana-Ku udde i tou lembon mangnginda-U lai. I tou nangapiddu sasamba wuṛṛu mannambunnu amania hunan Baal wuṛṛu manga mongana waine.


Ewe'e i tou napararisikku manga tampa passubbanna paal᷊uanna su panenteannu Yehuda, wuṛṛu naarosa lai tumana'u Yehuda wuṛṛu Yerusalem su lantakku hatin Mawu.


Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”


Swiv nou:

Piblisite


Piblisite