YESAYA 65:21 - WUKE SUSI WATTI'U AL᷊AL᷊USASSA

^21-22 Taumata sarun mapararisikku wal᷊en wuṛṛu matana'a sassane; taumata waine sarun tawe maatana'a. I mangitou sarun massuannu waillu anggore wuṛṛu ma'inumma ua'ene; taumata waine sarun tawe mapa'inumma. Uma-U uukke sarun mal᷊o'engnga ere punnu alu, wuṛṛu maatemma hessin inasaharanni mangitou.

YESAYA 65:21 Referans Kwoze

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.

YESAYA 32:18

Umattu Ruata sarun mapallossa wuassu asasusa wuṛṛu mabbiakka su tampa mal᷊annabba wuṛṛu mal᷊angnganna.

YESAYA 37:30

Yesaya nangirimmu lai tanata indi si Hizkia, “Eteindi apan sarun maola'a tiala si'o. Tonna indi wuṛṛu tonna suhati taumata sarun umanna gandumma apan tinumuwo sassane. Arawe wua'udde i mangitou wotongnge massuannu gandumma wuṛṛu anggore lapiddu umanna wuane.

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

DARALO 107:37

Manga wailli mangitou niasi'anna wuṛṛu nisuanannu manga punnu alu anggore, ana see nangammulu wuane apan manambo-nambo.

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

IMAMATTA 25:19

Leta'u wanua udde sarun mangonggolu hessine na'oman sara i yamiu maatahuanna anna apan manambo wuṛṛu uatana'a poiaroddi ringannu paddarame.