YESAYA 65:2 - WUKE SUSI WATTI'U AL᷊AL᷊USASSA

² I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.

YESAYA 65:2 Referans Kwoze

ROMA 10:21

Arawe su ola'u walahannu Israel Yesaya nabbisara, “Arendite unnu Ruata, ‘Su al᷊o'engngu allo i Ya'u mangngul᷊ukku lima-U su sambau walahanna apan mal᷊awangnga wuṛṛu tawe tumuṛṛutta.’ ”

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

AMSAL 1:24

I yamiu buatte niawagoangku, arawe i yamiu nanol᷊a'a wuṛṛu maddiri maddaringikka.

YESAYA 1:2

Paddaringikka ei langitta, panutukke ei runia! Mawu nabbisara, “Manga al᷊aṛṛana'a apan buatte nipaddul᷊ianang-Ku namangalo si Ya'u.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.

YEREMIA 5:23

Arawe puan kamiu maattikka wuṛṛu apulune lumawangnga; i yamiu buatte sinumewadda i Ya'u tinantangkeng kamiu.

YEREMIA 3:17

Sutempo udde soan Yerusalem sarun isaggo, ‘Aianannu Mawu’, wuṛṛu anambon walahanna sarun ma'ammulla su soa udde massubba Mawu. I mangitou tate lai tumuṛṛutta apulu naungngi mangitou apan maattikka wuṛṛu lal᷊eo udde.

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

DARALO 36:4

Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

AMSAL 16:29

Taumata maṛṛagissa mallinga manga hawene, wuṛṛu mangapiddi mangitou sulal᷊ummu asasilaka.

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

REENGANNA 15:39

Manga wawungkele uddewe maola'a pananaunganna: Suapan i yamiu maasilo, i yamiu maanaungnga al᷊awo'u parenta-U wuṛṛu tuttuṛṛuttanna. Wuṛṛu ana waugu udde i Ya'u tawe abbul᷊iananni yamiu su ipamatu'a apulu naungngu wuṛṛu ira-iranu sassane.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

YESAYA 30:9

Ana waugu, i mangitou udde walahanna apan apulunne lullawangnga su saruannu Ruata, apulune mammahia wuṛṛu mangke maddiri maddaringikka al᷊aṛṛa'u Mawu.

YESAYA 55:8

Mawu nabbisara, “Ṛingirang-Ku wal᷊ine ere ṛingirannu, wuṛṛu lal᷊ang-Ku wal᷊ine lal᷊annu.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

DARALO 36:5

Su tampan tatiil᷊anna i tou manggol᷊agu al᷊al᷊eo, inolaanne taweddu mapia, iapa lal᷊eo tawe ito'ene.

YESAYA 66:4

Ana waugu udde i Ya'u ma'ola'a walate apulu-U wuṛṛu mangema'a si mangitou manga asasilaka apan iaata'utti mangitou. Anawe sutempo i Ya'u mammaggo, taweddu sumimbakka; sutempo i Ya'u mabbisara, taweddu maddaringikka. I mangitou apulune lullawangnga si Ya'u i Ya'u sarun ma'ola'a al᷊al᷊eoanne.”

YEREMIA 18:12

Arawe i mangitou sarun sumimbakka, ‘Apa hunane? I yami sidutu mannan tuṛṛutta apulung kami sassane! I yami sambau-sambau sarun ma'ola'a apulun naungngi yami apan dal᷊eo!’ ”