YESAYA 65:10 - WUKE SUSI WATTI'U AL᷊AL᷊USASSA

¹⁰ Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

YESAYA 65:10 Referans Kwoze

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 33:9

Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.

HOSEA 2:15

Manga waillu anggorene sarun Ta'u iul᷊e apia si tou, wuṛṛu Wawal᷊annu Asasusa sarun Ta'u olaanna ngaran pangangantimma. Poiaroddi i tou sarum manal᷊oho si Ya'u ere sutempo i tou ta'e saṛṛen tumuwo, sutempo i tou wakkute sinumabbangnga wuassu Mesir.

YESAYA 51:1

Mawu nabbisara, “Paddaringikke si Ya'u, ei i yamiu apan mappulu iapasal᷊amatta wuṛṛu rantate ringang-Ku paddorongnga aontolla. Naungete wowone watu wuassuapa i yamiu nipaangnga, wuṛṛu ma'al᷊i watu wuassuapa i yamiu nial᷊i.

WATTI'U MANGA RASUL 9:35

Anambon tumana'u Lida wuṛṛu Saron naasilo si Eneas, see i mangitou sarangkanambone nangngimante Mawu Yesus.

1 TAWARIKH 5:16

I mangitou uatana'a su wageangngu leta'u Basan wuṛṛu Gilead, wuṛṛu su manga soa su wageangngu leta'a udde wuṛṛu su ahewallu wadda'u nannal᷊o su Saron.

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

YEREMIA 33:12

Mawu Apan Lembontaṛṛino nabbisara, “Wanua wuṛṛu manga soane apan ere wadda'u anne indi tawe atanaannu taumata ara'e winatangnga. Salaiwe aroddi, su allo addantane sarun pia lai manga wadda'u nannal᷊o tampan taumata mammadul᷊i manga dombane.

YEREMIA 50:19

I Ya'u sarun mamelengngu taumatan Israel su wanuan mangitou. I mangitou sarun umanna wuassu hessin leta'u Wowon Karmel wuṛṛu leta'u Basan. I mangitou sarun mal᷊aiddu hessin leta'u Efraim wuṛṛu Gilead.

YEREMIA 29:13

I yamiu sarun maddea'a si Ya'u wuṛṛu maasomba si Ya'u, ana waugu i yamiu maddea'a ringannu ahewallu naungnga.