YESAYA 65:1 - WUKE SUSI WATTI'U AL᷊AL᷊USASSA

¹ Mawu nabbisara, “Ya'u nasaddiate sumimbakka uma-U, arawe i mangitou tawe umal᷊iomanna si Ya'u. Ya'u uasaddia paisasombanni mangitou, arawe i mangitou tawe maddea'a si Ya'u. Walahanna udde maddiri mamaggo si Ya'u, salaiwe i Ya'u nasaddiate sumimbakka: i Ya'u indite!

YESAYA 65:1 Referans Kwoze

ROMA 10:20

Yesaya lembon waṛṛani lai. I tou nabbisara, “Arendi lai unnu Ruata, ‘Manga taumata tawe madea'a si Ya'u, buatte nassomba-U; wuṛṛu i Ya'u nattingkapasilon riri-U si mangitou apan tawe maiwal᷊o-U.’ ”

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

ROMA 9:30

Nariaddi, audusanne iwisara arendi: Manga walahanna waine apan wal᷊ine Yahudi tawe madea'a tadea'u paa'aukki mangitou ringannu Ruata maola'a apia. Arawe ana waugu i mangitou mangngimanna, ne Ruata na'ola'a paa'aukki mangitou ringanni Tou naola'a apia.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

DARALO 22:27

Taumata asiangnga sarun umanna ma'oman sara mal᷊aidda; taumata apan rumanta ringannu Mawu sarun maddalo si Tou. Antimanna i yamiu su lal᷊umanna'a saran mal᷊annu-l᷊annu!

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

YESAYA 63:19

I'o ma'ola'a si yami ereola'u taambe namarenta si yami, ereola'u i yami taambe naola'a uman-Nu.

YESAYA 41:27

Ya'u, Mawu, apan paarorone namasingkatta su Sion; i Ya'u napaapiddu mangangapiddu watti'u al᷊al᷊uassa su Yerusalem.

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

2 SAMUEL 1:7

I Saul nanaile liudde, ne naasilo si ya'u, ana see i ya'u niwagoanne, ne i ya'u sinumimbakka, “I ya'u, Tuangku.”

LUKAS 13:12

Napawe Mawu Yesus naasilo si tou, winagoante i tou, “Inangnga i'o mapia wuassu radangngu!”