YESAYA 64:9 - WUKE SUSI WATTI'U AL᷊AL᷊USASSA

⁹ Nariaddi ariewe tumanite masa'u, oh Mawu, ariete lai mannaungnga rosang kami; ellehete, i yami indi uman-Nu.

YESAYA 64:9 Referans Kwoze

DARALO 79:13

Ne i yami al᷊aṛṛanang-Ngu, domba papadul᷊ianan-Nu, sarun maadiangkamanna Si'o saran mal᷊annu-l᷊annu, wuṛṛu maddalo Si'o sara maṛṛawa mappulunna.

SONDAPPA 20:10

See Setanna apan nangawusu si mangitou udde, tinuntunga sulal᷊ummu tahal᷊oangngu putungnga wuṛṛu belerangnga. Ete isudde tampane winatangnga wuṛṛu nabi awusu udde niramme paarorone. I mangitou sarun sansaranna allo ṛabbi saran mal᷊annu-l᷊annu.

2 PETRUS 2:17

Manga huru awusu udde nal᷊ihida ere al᷊imatan kua'e apan namara wuṛṛu naal᷊ihida ere rallamma nitiuppu anginna al᷊isusu. Ruata suete nanaddia tampane, sambau tampa apan tumaniten maranduma.

MALEAKHI 1:4

Unnuwisara papapuluunni Esau, maga taumatan Edom udde mabbisara, “Manga soan kami buatte niṛṛimunsa'a, arawe i yami sarun ma'ola'a apia,” ne Mawu sarun sumimbakka, “I mangitou wotongnge ma'ola'a apia, arawe i Ya'u sarun mapaaṛṛa'a apia. I mangitou sarun isaggo ‘Wanuan al᷊al᷊eo’ wuṛṛu ‘Walaganna apan niaṛṛiaannu asasa'un Mawu saran mal᷊annu-l᷊annu.’ ”

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

LAL᷊ALLU 5:20

Anio I'o nanantangngi yami aroddi al᷊annune? I'o naabul᷊iten kami su al᷊o'engngu tempo?

YEREMIA 10:24

Puulle i yami oh Mawu, ariewe ringannu papuulla apan tumaniten maataddu'a. Ariewe lai makkuumanni yami napawe I'o nasa'ute, ana waugu i yami sarun mate abbi.

YEREMIA 3:12

Mawu nandolo'u inai mamasingkattu olangnge indi su Israel: “Ei Israel apan mal᷊awangnga, pabbelengke ringang-Ku! I Ya'u napenen aakkanna wuṛṛu mangke sidutu massa'u si yamiu.

YESAYA 63:19

I'o ma'ola'a si yami ereola'u taambe namarenta si yami, ereola'u i yami taambe naola'a uman-Nu.

YESAYA 60:10

Mawu nabbisara su Yerusalem, “Taumata raho sarun dumanta mamangunna apia darandungngu, wuṛṛu manga ratu sarun mangimbe si'o. Dorone i Ya'u nakkuumannu sulal᷊ummu asasa'u-U, arawe orassa indi Ya'u mappulute umakkannu.

YESAYA 57:17

Rosan awawal᷊iu mangitou naasa'u si Ya'u, ana waugu udde i mangitou Ta'u niṛṛuumanna wuṛṛu Ta'u nitantangnga. Arawe i mangitou maattikka puane wuṛṛu sidutu mammile lal᷊anne sassane.

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

DARALO 119:94

Sal᷊amatewe i ya'u, ana waugu i ya'u indi pussa'a-Nu, i ya'u buatte nattinsahadda tuttuṛutta parenta-Nu.

DARALO 38:1

Daralon Daud sutempo nangonggolu sasamban panananunganna.

DARALO 6:1

Su piaṛṛa'u mangangantari. Ringannu nanalangnge kecapi. Tumuṛṛuttu aantari aual᷊une. Daralon Daud.

YESAYA 63:8

Mawu nabbisara, “Atonna-tonna, i mangitou uddewe uma-Ku, manga al᷊aṛṛana'a apan tawe nandal᷊eo naungnga.” Ne i Tou nabbal᷊i Mananal᷊amatti mangitou,

YEREMIA 44:21

“Apa i yamiu massunna Mawu wagga ara'e naabul᷊ite manga sasamba apan nionggolla su manga soan Yehuda wuṛṛu su manga lal᷊annu Yerusalem ṛatangannu al᷊amonanu, ṛatangannu manga ratu wuṛṛu manga tembonannu, see tumana'u wanua indi wuṛṛu i yamiu sassane?

LAL᷊ALLU 5:22

Arawe i yami buatte niramme-Nu atonna-tonna? Tawe pattaal᷊anne asasa'u-Nu si yami?

YEHEZKIEL 29:16

Israel tate lai maddorongnga sasumbala si'o. Pal᷊addu pabbiaṛṛannu ei walahannu Mesir sarun mapanaungngu Israel aroddi nial᷊iwune mangngasakku Mesir, ere buatte niolangne. Ne Israel naasingkatte manungku ete i Ya'u Mawu Apan Atanggaṛṛanne.”

IMAMATTA 26:31

manga soanu sarun Ta'u wal᷊uanna mabbal᷊i tuidda, manga tampa patataṛamawuannu Ta'u ṛimunsaanna wuṛṛu manga sasambanu tawe Ta'u seengkamanna.

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

YESAYA 63:18

Anio niwala-Nu seetta mangke makkinda Wal᷊en-Nu, wuṛṛu manga taumata mandal᷊eo wuid-Du apan susi?

LAL᷊ALLU 2:7

Mawu nanol᷊a'u mezbah-Ne apan susi, wuṛṛu nanantangngu Wal᷊en-Ne sassane; niwala-Ne seetta naṛṛa'an manga darandungne. Sutampan kite dorone mattaṛṛamawu wuṛṛu mappesetta, seetta u'ui ana waugu lulluassa.