YESAYA 64:8 - WUKE SUSI WATTI'U AL᷊AL᷊USASSA

⁸ Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

YESAYA 64:8 Referans Kwoze

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

DARALO 119:73

Ete I'o apan na'ola'a wuṛṛu nandiaddi si ya'u, i ya'u onggol᷊eten pasasunna ipangurumma manga parenta-Nu.

DARALO 138:8

I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

YESAYA 29:16

Al᷊awo'a iwabbal᷊elonga. Suapane apan ahunanne,maaola'a urinna ara'e leta'a maṛṛamu? Wotongnge iapa a'olaanna mabbisara siapa ma'aolangnge, “Wal᷊inewe i'o apan na'ola'a si ya'u”? Ara'e wotongngewe saranapa udde mabbisara si tou, “I'o tawe ma'aola'a apa-apa”?

YESAYA 45:9

Nasilakate taumata apan uatatiakku Mandariaddine; i tou naal᷊ihidda urinna apan nilumawangnga taumata mallal᷊anginne. Apa leta'a maddeetta maiwal᷊o su mandarunna urinna, “Ma'urate i'o?” Apa urinna sussal᷊iomanna manungku ma'aolangnge tawe asingkatta?

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 43:7

Ana waugu i mangitou sarangkanambone buatte niwagoannu ringannu arang-Ku, i mangitou Ta'u niriaddi iapawantuga si Ya'u.”

YESAYA 44:21

Mawu nabbisara, “Naungete sarangkanambone indi, ei Israel, ana waugu ete i'o allang-Ku. I Ya'u nandiaddi si'o, wuṛṛu i'o allang-Ku, Israel, i Ya'u sarun tawe maabbul᷊inu!

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

GALATIA 3:26

Ana waugu i yamiu mangngimanna si Kristus Yesus, ne i yamiu uaaukka ringanni Tou; wuṛṛu ana waugu udde i yamiu maola'a al᷊aṛṛana'u Ruata.

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

SASABANGNGA 4:22

Ana see wal᷊oa'e su ratu udde manungku i Ya'u, Mawu, nananata arendi; ‘Israel uddewe ana'U pahul᷊une,

YOHANES 8:41

I yamiu ma'ola'a ere apa apan niola'u iamangngu sassane.” Sasimbakki mangitou, “I yami wal᷊ine al᷊aṛṛana'a su liuddu awingnga. Iamangngi yami tumba'u sangkatou eteudde Ruata sassane.”

AYUB 10:3

Apa untungnge amungkangngu I'o mangngallangnga arendi, wuṛṛu mandammen hessin manara-Nu sassane? Apa untungnge amungkangngu I'o susambau addapatta wuṛṛu ṛiinnu manga taumata lal᷊eo?

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YESAYA 19:25

Mawu Apan Lembontaṛṛino sarun mangal᷊amatta si mangitou wuṛṛu mabbisara, “i Ya'u mangal᷊amatta si yamiu, ei Mesir uma-U, Asyur niriaddi-U, wuṛṛu Israel umatta apan nipile-U.”

YESAYA 45:11

Mawu, Ruata na'ukkassu Israel nabbisara, “Pa'iwal᷊ote si Ya'u su ola'u tempo addantane. Arawe arie maiwal᷊o ola'u manga ana-U, ara'e mandolo-U ma'ola'a manga apa.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

MALEAKHI 2:10

Wal᷊inewe i ite sarangkanambone uatahuanna Iamangnga apan uasul᷊ungnga? Wal᷊inewe i ite sarangkanambone niola'u Ruata apan uasul᷊ungnga? Amungkangngu aroddi, anio i ite uawawahia paaire wuṛṛu ringannu aroddi namahia paaire apan niola'u Ruata ringannu al᷊amonang kite?

SASABANGNGA 32:12

Amungkangngu I'o mamate si mangitou, taumatan Mesir sarun mabbisara manungku I'o namiaṛṛa'u walahannu udde sinumabbangnga wuassu Mesir tadea'u mamate si mangitou su panenteanna wuṛṛu i mangitou sarangkanambone masue. Ariewe aroddi, oh Mawu, wal᷊ute naung-Ngu wuṛṛu ariete manilaka walahanna udde.

TAHIUL᷊E 9:29

Arawe paanaungete, Mawu, manungku i mangitou indi walahanna apan nipile-Nu maola'a al᷊aṛṛanang-Ngu, wuṛṛu niapiddu wuassu Mesir ringannu atatohassa wuṛṛu taṛṛino apan bahewalla.”

DARALO 74:1

Antari tatantiro Asaf. O Ruata, sarangkal᷊o'engnge I'o manantangngi yami? Anio I'o sidutu massa'u al᷊aṛṛanang-Ngu sassane?

DARALO 95:6

Wette i ite umal᷊intudda massubba si Tou, umal᷊intudda su saruannu Mawu, nandiaddi si ite.

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

YESAYA 57:16

Tawe sarangkal᷊o'enge i Ya'u mapasal᷊an uma-U; tawe saran mal᷊annu-l᷊annu i Ya'u massa'u, tadea'u i mangitou tawe mapaddi apulu naungnge, sumbal᷊i ete i Ya'u apan mabbiakka si mangitou.

YESAYA 63:8

Mawu nabbisara, “Atonna-tonna, i mangitou uddewe uma-Ku, manga al᷊aṛṛana'a apan tawe nandal᷊eo naungnga.” Ne i Tou nabbal᷊i Mananal᷊amatti mangitou,